ទោះមានលុយច្រើនយ៉ាងណាគ្រួសារគ្មានសុភមង្គលដែរ បើមានបញ្ហាទាំងនេះ
- 2018-11-05 09:00:00
- ចំនួនមតិ 0 | ចំនួនចែករំលែក 0
ទោះមានលុយច្រើនយ៉ាងណាគ្រួសារគ្មានសុភមង្គលដែរ បើមានបញ្ហាទាំងនេះ
មនុស្សមួយចំនួនប្រហែលជាគិតថា មានលុយច្រើនគ្រួសារនឹងមានសុភមង្គល តែនោះជាការគិតខុសទាំងស្រុងទៅវិញទេ។ បើគ្រួសារជួបបញ្ហាបែបនេះ គ្មានទេសេចក្ដីសុខ មានតែទុក្ខលើសអ្នកគ្មានប្រាក់ទៅទៀត។
១.មានជម្លោះ
ប្រសិនបើម្ដាយឪពុកមានជម្លោះនឹងគ្នា កូនៗពិតជាពិបាកចិត្ត ហើយបាក់ទឹកចិត្តថែមទៀតផង។ ជម្លោះនេះ មិនត្រឹមតែធ្វើឲ្យសមាជិកម្នាក់ៗគ្មានអារម្មណ៍រីករាយប៉ុណ្ណោះទេ ពេលខ្លះវាថែមទាំងធ្វើឲ្យខាតបង់ប្រាក់កាស និងខូចសុខភាពទៀត។
**២.ក្បត់ចិត្ត**
មិនថាឪពុកក្បត់ចិត្តម្ដាយ ឬម្ដាយក្បត់ចិត្តឪពុកនោះទេ សុទ្ធតែជាមូលហេតុធ្វើឲ្យគ្រួសារគ្មានការរីកចម្រើន។ គ្រួសារណាកើតមានបញ្ហានេះមានតែទឹកភ្នែក និងភាពគ្រាំគ្រា ហើយបើកូនៗដឹងគេនឹង ខូចចិត្ត និងខ្មាសគេយ៉ាងខ្លាំង។
៣.ហិង្សា
លុយមិនអាចទិញភាពរីករាយបានឡើយ ហើយទាំងកាយទាំងចិត្តនឹងក្រៀមស្វិត ព្រោះអំពើឃោរឃៅនេះ។ គ្រួសារណាដែលជួបប្រទះបញ្ហាមួយនេះ មិនត្រឹមតែគ្មានសេចក្ដីសុខឡើយ ហើយថែមទាំងបាត់បង់ភាពជិតស្និទ្ធ និងកក់ក្ដៅចំពោះគ្នាទៀតផង។
៤.មិនយល់ចិត្ត
ទំនាក់ទំនងគ្រួសារសំខាន់បំផុត គឺការយល់ចិត្ត។ ប្រសិនបើចូលដល់ក្នុងផ្ទះមានតែរឿងរ៉ាវមិនចេះឈប់ គ្មាននរណាមានអារម្មណ៍ចង់រស់នៅជាមួយទៀតទេ។ មនុស្សដែលមានគំនិតបែកឆ្វេងលួចមានស្រី/ប្រុសខាងក្រៅ ព្រោះតែអ្នកផ្ទះខ្លួនមិនមែននរណាចេះយកចិត្តទុកដាក់ ហើយថែមទាំងគ្មានការលើកទឹកចិត្តទៀតនោះ គ្រួសារប្រាកដជាបែកខ្ញែក៕
ចុចអាន៖តីចរិតយ៉ាប់ ៤ ប្រភេទនារីៗគួរជៀសឲ្យឆ្ងាយ កុំឲ្យជួបសោះឡើយក្នុងជាតិនេះ