មករៀនធ្វើ “បាយឆាតុមយ៉ាំគ្រឿងសមុទ្រ” រសជាតិពិសេស ឆ្ងាញ់ៗជាប់មាត់
- 2018-11-01 05:03:07
- ចំនួនមតិ 0 | ចំនួនចែករំលែក 0
មករៀនធ្វើ “បាយឆាតុមយ៉ាំគ្រឿងសមុទ្រ” រសជាតិពិសេស ឆ្ងាញ់ៗជាប់មាត់
សម្រាប់ថ្ងៃនេះ កញ្ញាសូមបង្ហាញជូននូវវិធីធ្វើ “បាយឆាតុមយ៉ាំគ្រឿងសមុទ្រ” ដែលមានរសជាតិជូរហឹរតិចៗគួរឲ្យចង់ញ៉ាំ។ ចង់ដឹងវិធីធ្វើយ៉ាងណានោះសូមតាមដានខាងក្រោម។
ជាដំបូងត្រូវត្រៀមបង្គាបកឲ្យស្អាត ចំណែកមឹកត្រូវហាន់ជាចំណិតតូចៗ ឬធំតាមចូលចិត្ត។ បន្ទាប់មកត្រូវត្រៀមគ្រឿងដូចជា រំដេង គល់ស្លឹកគ្រៃ និងម្ទេស ដោយចាប់ផ្ដើមពីរំដេងត្រូវពុះជាពីរ ហើយហាន់ជាចំណិតស្ដើងៗតូចៗ គល់ស្លឹកគ្រៃហាន់ស្ដើងៗដូចគ្នា ស្លឹកក្រូចយកមកហែកយកទ្រនុងចេញសឹមច្រៀកជាចម្រៀកតូចៗ ចំណែកក្រូចឆ្មារត្រូវពុះជាចំណិតៗឲ្យហើយ។
ត្រៀមគ្រឿងរួចសព្វគ្រប់ហើយ ចាប់ផ្ដើមឆា ដោយដាក់ខ្ទះចាក់ខ្លាញ់បើកភ្លើងល្មមក្ដៅ រួចដាក់ស្លឹកគ្រៃ រំដេង ម្ទេស ឆាឲ្យចូលគ្នា រួចហើយដាក់ម្ទេសឆាចូល ឆាឲ្យចូលជាតិគ្នាម្ដងទៀត។ រួចហើយអាចដាក់មឹក និងបង្គាចូល ឆាចូលគ្នារហូតឆ្អិនល្មម ទើបដាក់បាយ ទឹកត្រី ប្រេងខ្យង និងម្រេចចូល ឆាឲ្យចូលជាតិគ្នា ទើបចុងក្រោយដាក់ស្លឹកក្រូចសើច និងក្រូចឆ្មារ ឆាឲ្យសព្វជាការស្រេច។
គ្រឿងផ្សំ៖
មឹក
បង្គា
រំដេង
គល់សឹ្លកគ្រៃ
ស្លឹកក្រូចសើច
ម្ទេស
ក្រូចឆ្មារ
ប្រេងឆា
ម្ទេសឆា
បាយស ២ចាន
ទឹកត្រី
ទឹកប្រេងខ្យង
ម្រេច
ចុចអាន៖
កុំឲ្យធ្វើតែម្ហូបដដែលៗ មកសាកសាច់ជ្រូកខ្ចប់បន្លែទឹកត្រីហឹរៗ ឆ្ងាញ់ហើយងាយធ្វើទៀត
ឆ្ងាញ់ទៀតហើយ! រូបមន្តស្លាបមាន់បំពងនិងទឹកជ្រលក់ហឹរឆ្ងាញ់ជាប់មាត់
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
