ញ៉ាំច្រើនយ៉ាងណាក៏មិនភ័យខ្លាចជ្រះក្រែម ឲ្យតែចេះតិចនិកទាំងនេះ
- 2018-10-31 10:00:00
- ចំនួនមតិ 0 | ចំនួនចែករំលែក 0
ញ៉ាំច្រើនយ៉ាងណាក៏មិនភ័យខ្លាចជ្រះក្រែម ឲ្យតែចេះតិចនិកទាំងនេះ
ចូលចិត្តញ៉ាំច្រើន ចូលចិត្តនិយាយលេងច្រើន ឬពេលទៅចូលរួមកម្មវិធីផ្សេងៗ ចង់ឲ្យក្រែមនៅតែជាប់ពណ៌បានយូរ មិនឆាប់រលុបហៀរប្រតេកប្រតាក ត្រូវចេះតិកនិក ងាយៗ៥យ៉ាង ដើម្បីបង្កើនភាពទាក់ទាញដល់បបូរមាត់និងទំនុកចិត្តសម្រាប់ខ្លួនឯង។
១. ជូតសម្អាតបបូរមាត់
ត្រូវប្រើកន្សែងទន់ឬសំឡី ជាមួយនឹងទឹកក្តៅអ៊ុនៗ មកជូតសម្អាតបបូរមាត់ ជម្រុះស្បែករបកៗចេញ។ បន្ទាប់មកប្រើក្រែមរលោងដើម្បីផ្តល់សំណើមនិងជួយឲ្យបបូរមាត់ទន់។ គួរប្រើស្រ្កាប់ខាត់បបូរមាត់ឲ្យបាន ១-២ដង ក្នុងមួយសប្តាហ៍។
២. ប្រើ Concealer
ការប្រើ Concealer គឺដើម្បីធ្វើជាទ្រនាប់មុនពេលលាបក្រែម ជាពិសេសវាអាចជួយរលេចនូវពណ៌ក្រែមឲ្យឃើញច្បាស់ល្អ។ ត្រូវជ្រើសរើសConcealer ពណ៌សាច់ ឬប្រភេទជាគ្រីម យកវាទៅលាបនៅចំណុចកណ្តាលនៃបបូរមាត់លើក្រោម ប្រើដៃតប់ថ្នមៗឲ្យសព្វល្អ។
៣. គូរត្រេមាត់ នេះជាដំណាក់កាលសំខាន់ ដើម្បីជួយរក្សាពណ៌ក្រែមបានយូរ។ ខ្មៅដៃគូរត្រេមានសភាពស្ងួត ប៉ុន្តែមិនងាយរលុប ថែមទាំងជួយរំលេចនូវទម្រង់បបូរមាត់។ បន្ទាប់ពីគូរួច អាចប្រើក្រែមរលោងឬស្ងួតដែលមានពណ៌ក្រ ម៉ៅជាងបន្តិច ទើបមើលទៅមានលក្ខណៈជាធម្មជាតិស្រស់ស្អាត។
៤. លាបពីរជាន់
ដំបូងត្រូវលាបមួយជាន់ស្តើងសិនបានហើយ រួចយកក្រដាសជូតមាត់មកផ្អឹបដើម្បីឲ្យក្រែមជ្រាបចូល បន្ទាប់មកសឹមលាបមួយជាន់ទៀត។
៥. ប្រើម្សៅហុយ
បន្ទាប់ពីលាបក្រែមហើយ ទ្រាប់ក្រដាសជូតមាត់ យកជក់ផាត់ពីលើដោយប្រើម្សៅហុយ។ ធ្វើបែបនេះ អ្នកនឹងទទួលបានពណ៌ធម្មជាតិ ទន់ស្អាត និងមិនឆាប់រលុប៕
ចុចអានបន្ត៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
