របៀបហាត់ប្រាណដ៏ល្អបំផុត ដើម្បីជួយឲ្យចេញគន្លាក់ចង្កេះតូចស្អាត

2018-10-31 09:00:00
ចំនួនមតិ 0 | ចំនួនចែករំលែក 0

សម្រាប់រាងកាយនារីដែលស្លៀកពាក់ចេញមកស្អាតបាន ទាល់តែមានគន្លាក់ចង្កេះ និងត្រគាកសាយបន្តិច។ ប៉ុន្តែបើគ្មានទេ អ្នកអាចចាប់ផ្ដើមនូវលំហាត់ប្រាណប៉ុន្មានក្បាច់នេះ ដើម្បីជួយឲ្យចង្កេះរួមតូច ត្រគាករីកធំបាន។

១.ក្បាច់ធាក់កង់៖ វិធីនេះមានប្រសិទ្ធភាពខ្ពស់ក្នុងការលុតបំផ្លាញកាឡូរី និងធ្វើឲ្យចង្កេះរួមតូច ព្រោះតែចលនាជារង្វង់ចុះឡើងៗ។

២.ពត់ខ្លួនទៅម្ខាង៖ ដើម្បីឲ្យឆាប់ទទួលបានប្រសិទ្ធភាព អ្នកគួរតែកាន់ដុំដែកម្ខាង ហើយដៃម្ខាងទៀតរុញក្បាលឲ្យផ្អៀងទៅខាងដៃកាន់ដុំដែកនោះ។ ឆ្លាស់គ្នាម្ខាងទៀតរយៈពេល ៥ ទៅ ១០ នាទី។

៣.ដេកប៉ះកែងជើង៖ វិធីនេះជួយរឹតបន្តឹងស្បែកជុំវិញចង្កេះ និងអាចជួយចង្កេះតូច។

៤.គេងផ្អៀងរួចយកដៃម្ខាងច្រត់ក ហើយលើកជើងមកប៉ះកែងដៃ៖ ការធ្វើចលនាបែបនេះបានចូលរួមយ៉ាងពេញទំហឹងនៃស្បែកពោះ និង គន្លាក់ចង្កេះ។ ចូលប្ដូរទៅម្ខាងទៀត បន្ទាប់ពីធ្វើបាន ៥ នាទី។

៥.បោះដៃទៅឆ្វេងស្ដាំ៖ អ្នកអាចអង្គុយហើយបញ្ឈរជង្គង់បន្តិច បន្ទាប់មកបោះដៃទៅឆ្វេងទៅស្ដាំប្រហែល ៥ នាទី។

៦.Plank hip dips៖ អ្នកដេកដូចធ្វើអាវ៉ង ប៉ុន្តែដូរមកបង្វិលតែចង្កេះទៅឆ្វេងស្ដាំចុះឡើងៗទៅបានហើយ។

៧.យកកែងដៃច្រត់ទៅម្ខាងឲ្យក្បាលខ្ពស់បន្តិច៖ បន្ទាប់មកយកដៃម្ខាងទៀតច្រត់ទៅចង្កេះ។

ចុចអាន៖ធុញសាច់សល់ក្រោមក្លៀក ពិបាកពាក់អាវវាលៗមែន? សាកវិធីនេះធានាស្រកអស់

ប្រភព៖ spotebi ប្រែសម្រួល៖ ទ្រី រ៉ាវី