នារីកូរ៉េអត់ដុសធ្មេញ១០ឆ្នាំ ធ្វើឲ្យមិត្តប្រុសរត់ប្រាសអាយុពេលថើបគ្នា
- 2018-10-25 02:56:57
- ចំនួនមតិ 0 | ចំនួនចែករំលែក 0
នារីកូរ៉េអត់ដុសធ្មេញ១០ឆ្នាំ ធ្វើឲ្យមិត្តប្រុសរត់ប្រាសអាយុពេលថើបគ្នា
នារីវ័យក្មេងស្រស់ស្អាតជនជាតិកូរ៉េម្នាក់បានធ្វើឲ្យគេភ្ញាក់ផ្អើលជាខ្លាំងនៅពេលនាងនៅតែរស់នៅបានជាធម្មតា ក្រោយពេលមិនបានដុសធ្មេញរហូតដល់ទៅ១០ឆ្នាំ។
គ្រាន់តែព្រឹកឡើងមិនបានដុសធ្មេញត្រឹមតែមួយថ្ងៃ គេមានអារម្មណ៍ស្មុគ្រពិបាកនៅសឹងស្លាប់ទៅហើយ កុំថាឡើយមិនដុះធ្មេញច្រើនថ្ងៃ។ យ៉ាងណាក្ដី នារីវ័យក្មេងកូរ៉េមួយរូបបានធ្វើឲ្យប្រទេសនាងទាំងមូលភ្ញាក់ផ្អើលស្ទើរតែមិនជឿ ពេលសារភាពក្នុងកម្មវិធីទូរទស្សន៍មួយថា ខ្លួនមិនបានដុសធ្មេញ១០ឆ្នាំ ហើយនៅតែរស់នៅ និងធ្វើការបានជាធម្មតា។ អ្វីដែលរឹតតែភ្ញាក់ផ្អើលនោះគឺ នាងគឺបុគ្គលិករបស់មន្ទីរកែសម្ផស្សទៀតផង។ ស្រីស្អាតរូបនេះគឺ កញ្ញា Gi Hyon Ji អាយុ២០ឆ្នាំ។
ដោយសារតែសមទ្ធផលដ៏កក្រើកនេះហើយ ទើបស្រីស្អាតកើតឆ្នាំ១៩៩៨ ត្រូវបានគេអញ្ចើញចូលកម្មវិធីមនុស្សចម្លែករបស់ប៉ុស្តិ៍ TVN។ មូលហេតុដែលបណ្ដាលឲ្យនារីចម្លែករូបនេះមិនដុសធ្មេញរយៈពេល១០ឆ្នាំកន្លងមកនេះនោះគឺ តាំងពីកើតមក នាងត្រូវបានម្ដាយរៀបចំ ច្រាស និងថ្នាំដុសធ្មេញឲ្យជានិច្ចរៀងរាល់ពេលដុសធ្មេញ យ៉ាងណាមិញ នៅពេលនាងមានវ័យ២០ឆ្នាំ ម្ដាយនាងក៏លែងរៀបចំឲ្យនាងទៀត ដែលជាហេតុធ្វើឲ្យនាងខ្ជិល លែងខ្វល់ពីការដុសធ្មេញរហូតមកដល់ឥលូវ។ មិនត្រឹមតែប៉ុណ្ណោះ Hyon Ji ថែមទាំងសារភាពថា នាងក៏ឧស្សាហ៍ញ៉ាំស្ករគ្រាប់ដែលសល់ពីឆ្កែរបស់ខ្លួនផងដែរ។
និយាយពីរឿងមនោសញ្ចេតនាវិញ នាងបង្ហើបថា មិត្តប្រុសដែលនាងធ្លាប់មានកន្លងមកមិនដែលថើបនាងលើសពី១០វិនាទីឡើយ ហើយអ្នកដែលថើបនាងរួច នឹងក្លាយទៅជាសង្សារចាស់ភ្លាម ព្រោះពួកគេទ្រាំនឹងនាងពុំបាន។ ពេទ្យធ្មេញដែលមានមុខក្នុងកម្មវិធីបានឲ្យដឹងថា ធ្មេញរបស់នាងបានខូចអស់១០ហើយ បើនាងនៅតែបន្តមិនដុសធ្មេញទៀតនោះ នាងនឹងជ្រុះធ្មេញអស់នៅអាយុ៤០ឆ្នាំ៕