ឈ្នះពានតារាឯកឆ្នើមបំផុតហើយ Dilraba បែរជួបការរិះគន់ខ្លាំងបំផុតតាំងពីចូលសិល្បៈ
- 2018-10-23 05:11:31
- ចំនួនមតិ 0 | ចំនួនចែករំលែក 0
ឈ្នះពានតារាឯកឆ្នើមបំផុតហើយ Dilraba បែរជួបការរិះគន់ខ្លាំងបំផុតតាំងពីចូលសិល្បៈ
មកទល់ពេលបច្ចុប្បន្ន ភាគីរបស់តារាសម្ដែងស្រីទើបរះ Dilraba មិនទាន់ឆ្លើយតបអំពីវីដេអូឃ្លីបដែលគេសង្ស័យថានាងយំកណ្ដាលព្រលានយន្តហោះនោះទេ។ យ៉ាងណាក្ដី អ្នកខ្លះបានគិតថានេះគ្រាន់តែជាល្បិចធ្វើឲ្យគេអាណិតតែប៉ុណ្ណោះ។
អាចនិយាយបានថា តាំងពីបោះជើងចូលសិល្បៈមកដល់បច្ចុប្បន្ន តារាសម្ដែងស្រីរលកក្រោយ Dilraba មិនដែលប្រទះការរិះគន់ខ្លាំងដូចពេលនេះឡើយ។ ពោល ក្រោយពេលក្លាយជារាជិនីបក្សីសម្រាប់កម្មវិធីប្រគល់រង្វាន់ “Golden Eagle Award” រួច នាងត្រូវបានគេបង្អាប់រួចទៅហើយ ព្រោះថាក្បាច់រាំ នៅរឹង ហើយឆ្គងពេក។ យ៉ាងណាក្ដី ព្យុះភ្លៀងដែលបក់មកពិតប្រាកដនោះ គឺនៅពេលនាងវ៉ាមុខ តារារៀមច្បងជាច្រើនដើម្បីដណ្ដើមបានពាន តារាសម្ដែងស្រីឯកឆ្នើមបំផុតឆ្នាំ២០១៨ សម្រាប់កម្មវិធីប្រគល់ពានដដែលខាងលើ។
នៅក្នុងយប់ដែលនាង ឈ្នះពាន ឈ្មោះរបស់នាងបានឈរនៅលំដាប់លេខ១បណ្ដាញសង្គមដែលគេស្វែងរកជាច្រើនម៉ោងលើគេហទំព័រ Weibo។ ទស្សនិកជនបានបញ្ចេញមតិថា គណៈកម្មការឆ្នាំនេះ ពិតជាបានងងឹតភ្នែកហើយទើបសម្រេចលទ្ធផលដូចនេះ ព្រោះ Yang Mi និង Xun Li នៅរស់ជ្រងរៗ ម៉េចក៏ដល់វេនតារាស្រីក្មេងខ្ចីដូច Dilraba ដណ្ដើមពានបាន។ ក្រោយពេល ស្រីស្អាតវ័យ២៦ឆ្នាំ ទទួលពាន ក៏គ្មានមិត្តរួមការងារណាហ៊ានចេញមុខជូនពរនាងដូចគ្នា ព្រោះក្លាយគេជេរដោយ។
ទន្ទឹមនឹងគ្នានេះដែរ កាលពីថ្ងៃទី២២ ខែតុលាមុននេះ នៅលើបណ្ដាញសង្គមចិន វីដេអូឃ្លីបដែលគេសង្ស័យថាជាតួរឿង “Eternal Love” យំកណ្ដាលព្រលានយន្តហោះត្រូវបានគេចែកចាយយ៉ាងច្រើនកុះករ។ តាមនោះដែរ មនុស្សស្រីនៅក្នុងឃ្លីបបានយំឡើងមិនអាចងើបមុខរួច។
យោងតាមប្រភពនានា ដោយសារតែទ្រាំនឹងសម្ដីរិះគន់របស់មហាជនមិនបាន ទើបធ្វើឲ្យស្រីស្អាតកើតឆ្នាំ១៩៩២ ទៅជាបែបនេះ។ ទាក់ទងនឹងតំណាងរបស់នាង ពួកគេសូមមិនបញ្ចេញមតិអ្វីទាំងអស់ សម្រាប់ឃ្លីបខាងលើ។ យ៉ាងណាក្ដី ក៏មានមតិខ្លះបានឲ្យដឹងថា នេះគ្រាន់តែល្បិចរបស់ Dilraba ដែលចង់ឲ្យគេមានចិត្តអាណិតនាងតែប៉ុណ្ណោះ និយាយឲ្យចំទៅគឺគ្រាន់តែជាការសម្ដែង៕