៣កន្លែងនៅមិនឆ្ងាយ ជួយឲ្យអ្នកស្វែងយល់ពីខ្លួនឯងកាន់តែច្បាស់ជាងមុន
- 2018-10-22 10:34:12
- ចំនួនមតិ 0 | ចំនួនចែករំលែក 0
៣កន្លែងនៅមិនឆ្ងាយ ជួយឲ្យអ្នកស្វែងយល់ពីខ្លួនឯងកាន់តែច្បាស់ជាងមុន
ក្នុងជីវិតរបស់មនុស្សរាល់គ្នា តែងតែបានទៅដល់ចំណុចមួយដែលធ្វើឲ្យមានអារម្មណ៍ថា ខ្លួនឯងហាក់បីដូចជារសាត់ដូចពពកគ្មានទិសដៅជាក់លាក់។ អារម្មណ៍នេះហើយ ដែលនាំមកនូវ ភាពជាប់គាំង តក់ស្លុត ធុញថប់នឹងជីវិតរបស់ខ្លួន។ បញ្ហាទាំងនេះទៀតសោត បានជំរុញឲ្យអ្នក ចង់ធ្វើដំណើរទៅទីកន្លែងមួយ ដែលឆ្ងាយគ្មានអ្នកស្គាល់ ហើយមានទេសភាពស្អាតៗដូចជាក្រៅប្រទេស ដើម្បីបង្កើនភាពស្រស់ស្រាយ និងអាចឆ្លើយតបនឹងសំនួរ "តើខ្ញុំជាអ្នកណា?”។ កុំទាន់អាលប្រញាប់ប្រញាល់ពេក ព្រោះទោះបីជាអ្នកចង់ទៅឆ្ងាយដល់ជើងមេឃ ក៏អ្នកមិនអាចគេចវេះពីបញ្ហានិងខ្លួនឯងបានឡើយ ប៉ុន្តែនៅមាន៣កន្លែងសំខាន់ៗផ្សេងទៀត អាចជួយអ្នកឲ្យស្វែងយល់ពីខ្លួនឯងកាន់តែច្បាស់ ដោយមិនចាំបាច់ ខ្ជះខ្ជាយពេលវេលានិងលុយកាក់ច្រើននោះទេ។
១. ទៅកន្លែងដែលមានទឹក
រាងកាយមនុស្ស គឺមានជាតិទឹកដល់ទៅ៧៥% ជាហេតុធ្វើឲ្យយើងមានទំនាក់ទំនងជ្រាលជ្រៅ ក្នុងការផ្សារភ្ជាប់ខ្លួនជាមួយនឹងវា។
តើអ្នកធ្លាប់បានកត់សម្គាល់ទេថា ខួរក្បាលត្រូវការពណ៌ខៀវ ដើម្បីបង្កើនសមត្ថភាពក្នុងការផ្តោតអារម្មណ៍ និងធ្វើឲ្យចិត្តស្ងប់?
ដូច្នេះហើយ កន្លែងដែលស័ក្តិសមឥតខ្ចោះនោះគឺ ស្តាប់សំឡេងទឹកសមុទ្រជាមួយទិដ្ឋភាពព្រះអាទិត្យរះ អ្នកនឹងមានអារម្មណ៍ថាកំពុងតែមានដែកឆក់កំពុងតែទាញភពផែនដី នោះខួរក្បាលនឹងបានធូរស្រាល មានកម្លាំងចិត្តតទៅមុខទៀត។ បើអ្នកមិនបានទៅសមុទ្រទេ អាចស្តាប់សំឡេងទឹករលកឬសំឡេងធម្មជាតិផ្សេងៗ នៅក្នុងទូរសព្ទ ក៏ជាវិធីដ៏ល្អមួយសម្រាប់អ្នកផងដែរ។
២. ឈរនៅទីកន្លែងខ្ពស់ អ្នកអាចឡើងលើកំពូលភ្នំ ជិះជណ្ដើរយន្តទៅកាន់ជាន់ខ្ពស់បំផុតនៃអគារ ឬទីខ្ពស់អាចដែលអាចមើលឃើញទេសភាពនៅខាងក្រោម។ ក្រៅពីទេសភាព អ្នកក៏អាចមើលឃើញជ្រុងមួយផ្សេងទៀតនៃជីវិត។ អ្វីៗដែលអ្នកសម្លឹងមើល មានសភាពតូចក្នុងពិភពលោកដ៏ធំធេង ហើយអ្នកអាចធ្វើការជ្រើសរើសថាផ្លូវណាមួយដែលអ្នកចង់ដើរនៅក្នុងជីវិត។។
៣. នៅលើកម្រាល
ប្រហែលទីនេះជាកន្លែងល្អបំផុតហើយ សម្រាប់ឲ្យអ្នកផ្ចង់ការគិតនិងដកដង្ហើមឲ្យបានវែង។ មិនមែនតែលើកម្រាលទេ អ្នកអាចអង្គុយលើកៅអីឬទីណាដែលមានផាសុកភាព។ ព្យាយាមរសាយទុក្ខបន្តិចៗម្តង ផ្តោតលើគ្រប់ដង្ហើមចេញចូល។ ធ្វើបែបនេះ ដើម្បីឲ្យខួរក្បាលអ្នកបានតាំងសមាធិស្រួលបួល មិនច្របូកច្របល់។
**បន្ទាប់ពី៣កន្លែងសំខាន់ដែលបានរៀបរាប់ខាងលើ នៅមានសំណួរមួយចំនួនទៀតដែលគួរសួរទៅខ្លួនឯងដូចជា៖
តើខ្ញុំជានរណា?
តើអ្វីដែលខ្ញុំចូលចិត្តធ្វើជាងគេ?
តើអ្វីដែលអាចជួយឲ្យខ្ញុំមានកម្លាំងចិត្តឡើងវិញ?
តើនរណាជាមនុស្សគំរូនៅក្នុងចិត្តខ្ញុំ?
តើអ្វីដែលសំខាន់ចំពោះខ្ញុំជាងគេ?
តើត្រូវងើបឈរដើម្បីអ្វី?
តើខ្ញុំត្រូវការអ្វីពិតប្រាកដ សម្រាប់ពេលអនាគត?
សំនួរទាំងនេះ អាចជួយឲ្យអ្នកស្វែងយល់កាន់តែច្បាស់និងចេះបើកឱកាសឲ្យខ្លួនឯង ព្រមទាំងមានភាពងាយស្រួលពេលចង់ធ្វើអ្វីមួយ៕
ចុចអានបន្ត៖