ងាយៗ! វិធីធ្វើ “នំប៉័ងសង់ខ្យាស្លឹកតើយ” ឈ្ងុយឆ្ងាញ់ញ៉ាំជក់មាត់

2018-10-18 10:45:45
ចំនួនមតិ 0 | ចំនួនចែករំលែក 0

ធ្លាប់ទិញនំប៉័ងសង់ខ្យាស្លឹកតើយញ៉ាំអត់? ចង់ដឹងអត់ថាទឹកសង់ខ្យាហ្នឹងគេធ្វើយ៉ាងម៉េច? អត់ពិបាកទេ ថ្ងៃនេះកញ្ញានឹងចែករំលែកអំពីវិធីធ្វើនំប៉័ងអាំង និងសង់ខ្យាស្លឹកតើយ សម្រាប់ប្រិយមិត្តដែលចង់ធ្វើវាញ៉ាំលេងដោយខ្លួនឯង ឬមួយក៏ចង់ធ្វើលក់ក៏បានដែរ។ ចង់ដឹងគ្រឿងផ្សំមានអ្វីខ្លះ ហើយវិធីធ្វើបែបណា សូមតាមដានខាងក្រោមនេះទាំងអស់គ្នា៖

គ្រឿងផ្សំ៖

១. នំប៉័ងហាន់ជា ៤ចំណែក

២. ទឹកស្លឹកតើយ ១ចានគោម

៣. ទឹកដោះគោស្រស់ ១ចានគោមកន្លះ

៤. ស្ករស កន្លះកូនចាន

៥. ទឹកដោះគោខាប់ កន្លះកូនចាន

៦. អំបិល កន្លះស្លាបព្រាកាហ្វេ

៧. ម្សៅពោត កន្លះកូនចាន

៨. ពងមាន់ ២គ្រាប់

៩. ទឹកដោះគោឆៅ តាមចូលចិត្ត

វិធីធ្វើ

ជំហានទី១៖ អាំងនំប៉័ង

យកខ្ទះបើកភ្លើងល្មម ទុកឲ្យក្ដៅ ហើយយកនំប៉័ងអាំងរហូតស្រួយឡើងពណ៌លឿង។

ជំហានទី២៖ ធ្វើសង់ខ្យាស្លឹកតើយ

ចាក់ទឹកដោះគោស្រស់ចូលក្នុងឆ្នាំង រួចហើយចាក់ទឹកស្លឹកតើយ ស្ករស ទឹកដោះគោខាប់ អំបិល ម្សៅពោត និងពងមាន់ចូល ហើយកូរឲ្យចូលគ្នា។ បន្ទាប់មកបើកភ្លើងក្ដៅល្មម ហើយកូររហូតឡើងខាប់។ ដួសដាក់ចាន ហើយចាក់ទឹកដោះគោឆៅបន្តិចដើម្បីឲ្យមានពណ៌ស្អាត រួចអាចញ៉ាំជាមួយនំប៉័ងបានហើយ។ បើអត់មាននំប៉័ង អ្នកក៏អាចញ៉ាំជាមួយនំផ្សេងៗដូចជាចាខ្វៃ ឬនំប៉ោងបានដែរ ទៅតាមចំណូលចិត្ត។ ទស្សនាវីដេអូខាងក្រោមនេះ៖

ចុចអានបន្ត៖

ប្រភព៖ wongnai ប្រែសម្រួល៖ ស្វាយ វ៉ាន់ថន