មនុស្សបើគេចង់បែក ទោះអ្នកឃាត់យ៉ាងណាក៏មិនជាប់ដែរ
- 2018-10-17 02:14:35
- ចំនួនមតិ 0 | ចំនួនចែករំលែក 0
មនុស្សបើគេចង់បែក ទោះអ្នកឃាត់យ៉ាងណាក៏មិនជាប់ដែរ
នៅពេលមនុស្សម្នាក់ទៀតអស់ចិត្ត ហើយក៏ចង់ចាកចេញពីយើង ពេលនោះតើយើងអាចធ្វើអ្វីបាន?
នៅពីក្រោយការលាគ្នារបស់មនុស្សស្រី ទៅកាន់មនុស្សប្រុសដែលនាងកំពុងស្រឡាញ់ គឺជាទឹកភ្នែកជាច្រើនដំណក់ ភាពសោកសៅដែលពិបាកនឹងធ្វើចិត្ត ហើយក៏ជាការឈឺចាប់មួយដែលនាងមិនដឹងនិយាយប្រាប់អ្នកណាបាន។
ការពិតខ្ញុំពិតជាចង់ឃាត់គេណាស់ ចង់ប្រាប់ថាកុំចាកចេញពីខ្ញុំបានទេ តែតើពាក្យនោះបានការអី ព្រោះពេលនេះ រឿងតែមួយគត់ដែលគេចង់គឺចេញពីជីវិតខ្ញុំ។ អ្វីដែលខ្ញុំអាចធ្វើបានសម្រាប់គេ គឺមានតែបណ្ដោយតាមចិត្តគេ ដើរចេញពីគេទោះពេលនេះចិត្តខ្ញុំនៅស្រឡាញ់គេខ្លាំងប៉ុណ្ណាក៏ដោយ។
មនុស្សដែលអាចចង់ទៅហើយ ទោះយើងឃាត់យ៉ាងណាក៏មិនជាប់ដែរ ដូច្នេះមានតែពាក្យថាលាគ្នាតែប៉ុណ្ណោះ ប៉ុន្តែនៅពីក្រោយពាក្យលានេះ ខ្ញុំស្ទើរក្លាយជាមនុស្សឆ្កួត។
ខ្ញុំចាំបានពាក្យមួយឃ្លាដែលម៉ាក់ខ្ញុំធ្លាប់ប្រាប់ខ្ញុំថា «បើគេស្រឡាញ់កូន គេនឹងមិនចាកចេញពីកូនទេ តែបើគេមិនស្រឡាញ់កូន ទោះកូនចងគេជាប់ ក៏គេនៅតែទៅ» ។ ពាក្យមួឃ្លាដិតជាប់ក្នុងខួរក្បាលខ្ញុំរហូតមកដល់ពេលនេះ ហើយខ្ញុំក៏យល់ថាពាក្យម្ដាយខ្ញុំនិយាយមិនខុសនោះទេ។
ខ្ញុំសុខចិត្តអង្គុយយំនឹកគេ ក៏ខ្ញុំមិនចង់បង្ខំអ្នកណាម្នាក់មកស្រឡាញ់ខ្ញុំទាំងគេគ្មានអារម្មណ៍ដែរ។ ពេលខ្លះស្នេហាពិតជាអាត្មានិយមណាស់ ព្រោះខ្ញុំពិតជាចង់បានគេជារបស់ខ្ញុំ ទោះគេមិនចង់ក៏ដោយ តែតើបែបនោះវាយ៉ាងម៉េច ចុងក្រោយគឺមានតែខ្ញុំដែលជាអ្នកឈឺចាប់ ព្រោះខ្ញុំជាអ្នកស្រឡាញ់គេ ព្រោះខ្ញុំជាអ្នកចង់ឱបក្រសោបរូបគេ។ ចុះគេវិញ?
គេគ្មានអារម្មណ៍ដូចខ្ញុំផង តើគេម៉េចនឹងអាចឈឺចាប់ទៅ? គេមិនខ្វល់ពីខ្ញុំឡើយ នៅពេលដែលគេអស់ចិត្ត កាន់តែឆ្ងាយពីខ្ញុំគឺជាសេចក្ដីសុខគេហើយ។ បែបនោះហើយទើបខ្ញុំចង់ឃើញគេមានក្ដីសុខ ទោះខ្លួនឯងពិបាកកាត់ចិត្តប៉ុណ្ណាក៏ដោយ។
ស្នេហាពិតមួយមិនមែនជាការចង់បានអ្វីដែលយើងចង់បានពីគេទេ គឺគ្រាន់តែចង់ឃើញគេសប្បាយចិត្ត ទោះបីជាគ្មានចំណែកយើងក៏ដោយ ហើយនោះជាអ្វីដែលខ្ញុំធ្វើដើម្បីគេ៕
ចុចអានបន្ត៖