មានតែប្រពន្ធទេដែលស្រលាញ់អ្នកស្មោះ… ប្រុសៗគួរមើលឲ្យដល់ចប់!

2018-10-16 07:24:30
ចំនួនមតិ 0 | ចំនួនចែករំលែក 0

ប្រពន្ធអាចមិនមែនជាមនុស្សស្រីទន់ភ្លន់ មិនមែនជាមនុស្សស្រីក្មេងដែលមានសម្រស់ស្រស់ស្អាត មិនចេះផ្អែមល្ហែម មិនប្រសប់យកចិត្តប្ដីដូចជាស្រីកំដរដែលប្ដីទើបតែបានជួបនោះឡើយ ម្ល៉ោះហើយបានជាស្វាមីមួយចំនួនចេះតែមានអារម្មណ៍នឿយណាយ ធុញទ្រាន់។ ប៉ុន្តែហេតុអ្វីបានជាគេតែងនិយាយថាគ្មានស្រីឯណាល្អស្មើនឹងប្រពន្ធ?

វីដេអូឃ្លីបបែបអប់រំខាងក្រោមនេះនឹងអាចផ្ដល់ចម្លើយឲ្យអ្នកបាន តាមរយៈការប្រៀបធៀបគ្នារវាងប្រពន្ធ និងស្រីកំណាន់របស់ប្តី។ ទស្សនាពីដំបូងអ្នកនឹងមានអារម្មណ៍ថាវាកំប្លែងគួរឲ្យចង់សើច និងយល់ថាប្រពន្ធជាមនុស្សស្រីគួរឲ្យធុញទ្រាន់ ប៉ុន្តែទស្សនាឲ្យដល់ចប់ អ្នកនឹងដឹងថាវាបង្កប់អត្ថន័យយ៉ាងណា៖

មនុស្សប្រុសទាំងឡាយដែលគិតចង់មានស្រី ឬកំពុងមានស្រី សូមគិតផង ថាប្រពន្ធរបស់អ្នកបានផ្លាស់ប្ដូរអ្វីខ្លះដើម្បីអ្នក? កាលពីមុន នាងមានរាងស្អាត ផាត់មុខលាបក្រចកឡើងស្អាត ប៉ុន្តែពេលនេះ នាងគ្មានពេលមើលថែខ្លួនឯងទៀតទេ ដោយរវល់តែបោកខោអាវ ដាំបាយ ធ្វើម្ហូប មើលថែកូន មើលថែទាំឪពុកម្ដាយចាស់ៗផង។ នៅពេលរៀបការអ្នកបានស្បថថា នឹងធ្វើឲ្យនាងមានក្ដីសុខមួយជីវិត ចុះពេលនេះអ្នកធ្វើបានទេ?

កុំមានស្រី ហើយធ្វើឲ្យមនុស្សជាទីស្រលាញ់របស់អ្នកខូចចិត្ត។ ប្រពន្ធរបស់អ្នកមិនបានជាប់សាច់ឈាមអ្វីជាមួយអ្នកនោះទេ ប៉ុន្តែនាងព្រមលះបង់គ្រប់យ៉ាងដើម្បីអ្នក។ នោះក៏ព្រោះតែក្ដីស្រលាញ់។ បើអ្នកបំផ្លាញ ជាន់ឈ្លីទឹកចិត្តរបស់នាង វាក៏មិនមានអ្វីចម្លែកដែរដែលនាងជ្រើសរើសចេញពីជីវិតអ្នក។ សូមមើលថែនាងឲ្យបានល្អ ព្រោះនាងគឺជាមនុស្សដែលសក្ដិសមបំផុតនឹងទទួលបានការតបស្នងបែបហ្នឹង ៕

ចុចអានបន្ត៖