ចង់ដឹងថាសង្សារជាសុភាពបុរស ឬអត់មើល ១៣ ចំណុចនេះ ហើយទី ១២ ច្បាស់បំផុត

2018-11-09 14:23:07
ចំនួនមតិ 0 | ចំនួនចែករំលែក 0

សុភាពបុរស ពេលនៅជិតមនុស្សស្រីតែងមានសញ្ញាទាំងនេះ។ បើបែបនេះ ស្រីៗពិតជាសំណាងខ្លាំងណាស់ហើយ ដែលអាចមានមនុស្សប្រុសល្អយ៉ាងនឹងជាសង្សារ៖

១.មានភាពស្មោះត្រង់៖ សុភាពបុរសតែងតែប្រាប់ការពិតដល់ដៃគូជានិច្ច។ គាត់ចេះហ៊ានទទួលខុសត្រូវចំពោះសកម្មភាពរបស់គាត់ដោយមិនគេចវេះអ្វីទាំងអស់ មានតែមនុស្សស្មោះត្រង់ទេ ដែលហ៊ានទទួលនូវអ្វីដែលខ្លួនបានធ្វើ។

រូបតំណាង

**២.គាត់រង់ចាំមនុស្សទាំងអស់មុនពេលញ៉ាំ**៖ នេះមានន័យថាគាត់មិនទទួលអាហារអ្វីទាំងអស់មុនមនុស្សមកមិនទាន់គ្រប់ក្នុងពិធីជប់លៀង។ នេះបង្ហាញថាគេជាសុភាពបុរសពិតប្រាកដ គឺចេះគិតដល់អារម្មណ៍អ្នកដទៃ និងមានភាពអត់ធ្មត់។

៣.មិនមើលអ្នកដទៃក្នុងក្រសែភ្នែកមុតមាំ៖ សុភាពបុរសពិតតែងតែមិនបង្កការភ័យខ្លាច ឬគំរាមកំហែងអ្នកដទៃដោយក្រសែភ្នែកមុតមាំ។

៤.មិនគិតពីបញ្ហាលើគ្រែ៖ បុរសពិបាកនឹងទប់អារម្មណ៍ពេលនៅជិតមនុស្សស្រី។ តែបើសង្កេតឃើញថាមនុស្សប្រុសដែលយើងណាត់ជួបនោះ គ្មានជ្រួលជ្រើម ឬបន្លំចង់ប៉ះពាល់ខ្លួនប្រាណពេលនៅជិត បញ្ជាក់បានថាគាត់ពិតជា gentleman។

រូបតំណាង

៥.រក្សាពាក្យសន្យា៖ មានតែមនុស្សប្រុសពិតៗទេ ដែលខំពុះពារឧបសគ្គច្រើនរាប់មិនអស់ ដើម្បីតែមកបំពេញពាក្យសន្យាដែលបាននិយាយជាមួយយើង។

៦.មានជំនឿមុតមាំ៖ ទោះក្នុងកាលៈទេសៈណាក៏ដោយ គេនៅតែមានជំនឿ ទាំងដែលអ្នកដទៃទៅនិយាយមិនល្អពីយើងច្រើនអនេក។

៧.ចិត្តល្អ៖ បើសង្កេតឃើញថានៅតាមផ្លូវមានទុរគតជន ហើយគាត់ចុះទៅធ្វើអំណោយទានបន្តិចបន្តួច នោះហើយជាបុរសពិត។

៨.មិនដែលឲ្យនរណាម្នាក់រង់ចាំ៖ បុរសដ៏ល្អគឺត្រូវចេះបែងចែកពេលវេលាច្បាស់លាស់គ្រប់កិច្ចការជានិច្ច ហើយបែបនេះទើបគេធ្វើអ្វីមួយមិនដែលយឺតយ៉ាវ និងមិនឲ្យនរណាម្នាក់រង់ចាំជាដាច់ខាត។

៩.ការពារសុវត្ថិភាពអ្នក៖ បើពេលនៅជិត គេតែងជួយការពារពីសុវត្ថិភាព និងមិនឲ្យបុរសដទៃមកបន្លំប៉ះពាល់ខ្លួនយើង ប្រភេទនោះទើបសមជា មនុស្សប្រុសពិតៗ។

១០.ផ្ដល់អាទិភាព៖ សុភាពបុរសពិត ពេលឃើញមនុស្សចាស់ជរា ឬក្មេង គេតែងតែផ្ដល់កន្លែងអង្គុយទៅអ្នកដទៃបែបនេះជានិច្ច។

១១.ជាអ្នកចំណាយគ្រប់យ៉ាង៖ មនុស្សប្រុសបែបនេះហើយ ដែលជាទីប៉ងប្រាថ្នានៃនារីគ្រប់រូប។

១២.បើកទ្វារជូនយើង៖ គ្រប់ពេលចេញចូលដោយឆ្លងកាត់ទ្វារ គេតែងតែបើកជូនយើងជាប់រហូត។

១៣.តែងតែប្រើពាក្យ «សូម» «អរគុណ»៖ កម្រមានបុរសដែលនិយាយពាក្យនេះរហូតណាស់ តែបើមាននោះគេជាសុភាពបុរស ព្រោះសម្ដីបែបនេះគឺផ្ដល់កិត្តិយស និងការគោរព៕