ស្នេហារបស់យុវវ័យបច្ចុប្បន្ន ច្រើនតែបែកគ្នាដោយសារកត្តា ៧ យ៉ាងនេះ

2018-10-15 11:10:00
ចំនួនមតិ 0 | ចំនួនចែករំលែក 0

មនុស្សជាច្រើនសង្កេតឃើញថា ស្នេហាសម័យនេះងាយនឹងជួបការបែកបាក់គ្នាទៅវិញណាស់។ ដោយសារតែកត្តាច្រើនយ៉ាង ប៉ុន្តែ ៧ យ៉ាងនេះសំខាន់ណាស់ ហើយយុវវ័យមួយចំនួនទទួលស្គាល់ថាបានព្រាត់ប្រាសគ្នាដោយសារវាមែន៖

១.ដោយសារជនទី ៣៖ ព្រោះតែការលួចលាក់មានអ្នកទី ៣ ធ្វើឲ្យគូស្នេហ៍ជាច្រើនសម្រេចចិត្តចែកផ្លូវគ្នាទាំងឈឺចាប់។ នេះជាកត្តាចម្បងដែលនាំឲ្យមនុស្សដើរដល់ផ្លូវបំបែក។

រូបតំណាង

**២.ព្យាយាមយកឈ្នះរាងខ្លួន**៖ គូស្នេហ៍ដែលប្រកាន់ជំហបែបនេះ ពិតជាមិនអាចស្រលាញ់គ្នាបានយូរឡើយ។ ព្រោះម្ខាងៗសុទ្ធតែចង់ឈ្នះ ដោយភ្លេចគិតថាការមានស្នេហា គឺមនុស្សពីរនាក់ព្យាយាមយល់ពីគ្នា អត់ឱន និងសម្របតាមគ្នាទៅវិញទៅមក។

៣.មិនជឿទុកចិត្តគ្នាទៅវិញទៅមក៖ ភាពជឿជាក់គឺជាមូលដ្ឋានគ្រឹះនៃសេចក្ដីស្រឡាញ់ តែមនុស្សឥឡូវមិនសូវជាទុកចិត្តគ្នាទេ ទើបស្នេហាមិនបានគង់វង្សយូរអង្វែង។

៤.មិនបំភ្លេចស្នេហាចាស់៖ បើជ្រុលជាបែកគ្នា ហើយមកចាប់ដៃអ្នកថ្មីហើយគួរតែបំភ្លេចចោលអ្វីៗទាំងអស់ទៅដែរ ព្រោះបើអ្នកមិនភ្លេច គូស្នេហ៍ថ្មីក៏នឹងត្រូវដើរចេញពីជីវិតអ្នកទៀតដែរ។ ម្យ៉ាងអ្នកខ្លះយកអ្នកថ្មី ដើម្បីទុកបញ្ឈឺអ្នកចាស់ប៉ុណ្ណោះ។

៥.គ្រួសារមិនបើកចិត្តទទួលយក៖ និយាយឲ្យស្រួលស្ដាប់ គឺគ្រួសារមិនពេញចិត្ត ទើបអ្នកខ្លះមិនអាចកាន់ដៃគ្នាចូលដល់ថ្ងៃពិសេសតែម្ដង។

៦.មិនទម្លាប់មានអ្នកខ្វាយខ្វល់ច្រើន៖ អ្នកខ្លះមិនចូលចិត្តឲ្យមានអ្នកដទៃមកខ្វាយខ្វល់ពីជីវិតគេច្រើន ទើបធ្វើឲ្យភាគីម្ខាងទៀតអន់ចិត្ត រហូតដល់សម្រេចចិត្តបែកតែម្ដង។

៧.ល្អចំពោះគ្នាតែលើកដំបូង៖ ភាពផ្អែមល្ហែមមិនមែនមានតែគ្រាដំបូងឡើយ តែគួរធ្វើជារៀងរហូតទើបដៃគូមិនគិតថា មានស្នេហាមិនឯកា៕