លេសទាំង ១៣ ដែលស្រីៗតែងប្រើនៅពេលចង់ទិញខោអាវស្បែកជើងថ្មី
- 2018-10-15 06:55:00
- ចំនួនមតិ 0 | ចំនួនចែករំលែក 0
លេសទាំង ១៣ ដែលស្រីៗតែងប្រើនៅពេលចង់ទិញខោអាវស្បែកជើងថ្មី
ស្រីៗចូលចិត្តណាស់រឿងដើរទិញអីវ៉ាន់ជាពិសេសគឺខោអាវស្បែកជើងនេះតែម្ដង។ ទោះបីជាមានពេញទូរហើយក៏ដោយ ក៏ស្រីៗនៅតែមិនស្កប់ស្កល់ ហើយតែងតែរអ៊ូថាគ្មានអ្វីស្លៀកពាក់រហូត។ ទាំងនេះគឺជាលេសដែលស្រីៗចូលចិត្តប្រើ ពេលចំណាយលុយទិញអីវ៉ាន់ដែលខ្លួនចង់បាន៖
១. ខោអាវឬស្បែកជើងនេះ គួរតែទិញទុកព្រោះវាមិនរើសពណ៌ឬម៉ូតខោអាវទេអាចពាក់បានគ្រប់ពេលគ្រប់កម្មវិធី។
២. ស្បែកជើងមួយគូនោះពណ៌ដូចខោអាវ ខ្ញុំទើបទិញអាទិត្យមុន។ បើពាក់វាជាឈុតមើលទៅស្រស់ស្អាតណាស់។
៣. មួយឈុតនេះហើយ ដូចតួក្នុងរឿងកូរ៉េអញ្ចឹង កំពុងពេញនិយមខ្លាំងណាស់។
៤. ទិញឲ្យហើយទៅ បន្តិចទៀត លែងមានម៉ូតនេះហើយ។
៥. ទិញទុកទៅ កុំឲ្យដល់ពេលត្រូវទៅណាអត់មានអីពាក់ ហើយជួនកាលរកទិញមិនបានទៀត។
៦. ទិញទៅបើពាក់មិនត្រូវ ចាំសេងឲ្យបងឬប្អូនស្រី ត។
៧. ទិញទៅទាន់គេបញ្ចុះតម្លៃ។
៨. ខានទិញខោអាវយូរ ហើយឡើងអស់អីស្លៀក។ ស្លៀកដដែលៗ មើលទៅឡើងសាំ លែងស្អាតហើយ។
៩. មួយកំប្លេនេះសាច់ស្អាត ត្រជាក់ស្រួលណាស់ ស្រូលស្លៀក។
១០. ខ្ញុំមានស្បែកជើងកែង ១០គូរមែន តែអត់មានពណ៌នេះទេ។
១១. ថ្ងៃនេះ ទើបបើកប្រាក់ខែ ទិញទៅទុកថាជូនកាដូឲ្យខ្លួនឯងដែលខំធ្វើការ។
១២. អាស្បែកជើងមួយគូរទិញថ្ងៃមុនហ្នឹងមានគេពាក់ដូច អញ្ចឹងហើយត្រូវការទិញថ្មី ព្រោះអត់ចូលចិត្តពាក់ដូចគ្នាទេ។
១៣. ទិញខោអាវគ្រាន់បើជាងទិញអីញ៉ាំ ព្រោះគ្មានសល់អី ហើយថែមទាំងឡើងទម្ងន់ទៀត។