កូនប្រសាអគ្គនាយក Samsung ត្រូវសង្ស័យមានពាក់ព័ន្ធនឹងការស្លាប់របស់តួរឿង F4 កូរ៉េ
- 2018-10-15 05:43:00
- ចំនួនមតិ 0 | ចំនួនចែករំលែក 0
កូនប្រសាអគ្គនាយក Samsung ត្រូវសង្ស័យមានពាក់ព័ន្ធនឹងការស្លាប់របស់តួរឿង F4 កូរ៉េ
លោក Lim Woo Jae អតីតអគ្គនាយកសហព័ន្ធ Samsung ត្រូវបានគេរកឃើញថាបានទូរសព្ទទៅតារាសម្ដែងស្រី Jang Ja Yeon ៣៥ដងមុនពេលនាងសម្លាប់ខ្លួន។
រឿងរ៉ាវប៉ូលិសសម្រេចចិត្តស៊ើបអង្កេតមូលហេតុនៃការសម្លាប់ខ្លួនរបស់អតីតតារាសម្ដែងស្រីកូរ៉េ Jang Ja Yeon ឡើងវិញបានធ្វើឲ្យជាប់ពាក់ព័ន្ធនឹងបុគ្គលមានអំណាចជាច្រើននៅកូរ៉េ។ ថ្មីនេះបំផុត លោក Lim Woo Jae អតីតអគ្គនាយករបស់ក្រុមហ៊ុន Samsung អេឡិចត្រូនិក ហើយក៏ជាអតីតកូនប្រសារបស់អគ្គនាយក Samsung ផងនោះត្រូវបានគេហៅទៅសួរចម្លើយពាក់ព័ន្ធនឹងហេតុការណ៍ខាងលើ។
ប៉ុស្តិ៍ MBC បានឲ្យដឹងថា លោក និងតារាអភ័ព្វខាងលើបានមានទំនាក់ទំនងនឹងគ្នាតាំងពីឆ្នាំ២០០៨ និងបានទូរសព្ទឲ្យគ្នាចំនួន៣៥ដង តែលោកបានបដិសេធថា បានត្រឹមជួបនាងនៅពិធីជប់លៀងមួយ ហើយគ្មានទំនាក់ទំនងអ្វីទាំងអស់។ ប្រភពដដែលបានឲ្យដឹងថា លោកត្រូវបានគេកោះហៅម្ដងទៀតដើម្បីស៊ើបសួរឲ្យបានច្បាស់។
គួរបញ្ជាក់ផងដែរថា លោក Lim Woo Jae និងកូនស្រីច្បងរបស់សហព័ន្ធ Samsung បានរៀបការនឹងគ្នានៅឆ្នាំ១៩៩៩ ហើយបានលែងលះគ្នានៅឆ្នាំ២០១៤ មានន័យថាលោកអាចបានទាក់ទងនឹងតារាខាងលើពេលមិនទាន់លែងលះប្រពន្ធដាច់ស្រេច៕
ចុចអាន៖