បាត់មុខ Fan Bingbing, Yang Mi ក្លាយជាតារាឯកក្នុងកម្មវិធីសប្បុរសធម៌ធំបំផុតចិន

2018-10-15 04:47:28
ចំនួនមតិ 0 | ចំនួនចែករំលែក 0

អវត្តមានរបស់កំពូលតារាសម្ដែងស្រីចិន Fan Bingbing បានធ្វើឲ្យតារាសម្ដែងស្រីជួរមុខYang Mi ក្លាយជាបុគ្គលលេចធ្លោបំផុតក្នុងកម្មវិធីរៃអង្គាសលុយរបស់ទស្សនាវដ្ដី Bazzar។

កាលពីយប់ថ្ងៃទី១២ ខែតុលាមុននេះ កម្មវិធីរៃអង្គាសប្រាក់សប្បុរសធម៌ធំបំផុតរបស់រង្វង់សិល្បៈចិន រៀបចំឡើងដោយទស្សនាវដ្ដី Bazzar ត្រូវបានធ្វើឡើងដោយអ៊ឹកធឹកនៅទីក្រុងប៉េកាំងប្រទេសចិនដោយមានការរួមពីសំណាក់សិល្បករ និងសិល្បការិនីជាច្រើនរូប។

ខុសពីឆ្នាំមុនៗ ដែលកំពូលតារាសម្ដែងស្រី Fan Bingbing តែងក្លាយជាអ្នកដែលទាក់ទាញចំណាប់អារម្មណ៍គេបំផុតនោះ នៅឆ្នាំនេះ ដោយសារតែរឿងអាស្រូវគេចពន្ធរបស់ខ្លួន ធ្វើឲ្យនាងមិនបានចូលរួមក្នុងកម្មវិធីឡើយ។ ផ្ទុយមកវិញ តារាស្រីដែលក្លាយជារាជិនីកម្រាលព្រំក្រហមឆ្នាំនេះនោះគឺ ស្រីស្អាតកូន១ Yang Mi។ តួរឿង "Eternal Love” ស្លៀករ៉ូបពណ៌សាច់វែងអូសដី រំលេចដោយគ្រឿងអលង្ការរាប់លានដុល្លារធ្វើឲ្យនាងមើលទៅមិនខុសពីម្ចាស់ក្សត្រីមួយរូបនោះឡើយ។ ក្រៅពី Yang Mi ក៏មានតារាប្រុសស្រីជាច្រើនរូបទៀតដែលមានវត្តមានក្នុងកម្មវិធី៕