វ៉ាមុខ Angelababy, Dilraba ក្លាយជារាជិនីបក្សីមាសជំនាន់ទី១២ជាផ្លូវការ
- 2018-10-14 03:00:04
- ចំនួនមតិ 0 | ចំនួនចែករំលែក 0
វ៉ាមុខ Angelababy, Dilraba ក្លាយជារាជិនីបក្សីមាសជំនាន់ទី១២ជាផ្លូវការ
តារាសម្ដែងស្រីវ័យក្មេងចិន Dilraba បានក្លាយជាបុគ្គលដែលត្រូវបានគេស្វែងរកច្រើនបំផុតលើបណ្ដាញសង្គមចិនកាលពីយប់ថ្ងៃទី១២ ខែតុលាកន្លងទៅនេះ ក្រោយពេលបានក្លាយជារាជិនីបក្សីមាសជំនាន់ទី១២ផ្លូវការ។
ក្រោយរយៈពេលបោះឆ្នោតជាច្រើនសប្ដាហ៍ នៅទីបំផុត តំណែងរាជិនីបក្សីមាសនៃកម្មវិធីប្រគល់ពានរង្វាន់ទូរទស្សន៍ចិនក៏បានធ្លាក់លើតារាសម្ដែងស្រីវ័យក្មេងកំពុងឡើងកូដ Dilraba។ មុននោះដែរ អ្នកគាំទ្ររបស់ស្រីស្អាតនេះ និងអ្នកគាំទ្ររបស់តារាសម្ដែងស្រីល្បីឈ្មោះ Angelababy ស្ទើរតែស៊ីសាច់ហុតឈាមគ្នាលើអ៊ីនធឺណិតត្បិត ពួកគេគិតថាម្ខាងៗសុទ្ធតែឥតស័ក្ដិសមនឹងតំណែងនេះ។
ទោះបីជាសមត្ថភាពសម្ដែងមិនទាន់ត្រូវបានគេវាយតម្លៃខ្ពស់ក្ដី តែជាមួយនឹងចំនួនអ្នកគាំទ្រជាង៣០លាននាក់របស់ខ្លួន តួរឿង "Internal Love” បានវ៉ាមុខគូប្រកួតដោយងាយស្រួល និងក្លាយជារាជនីបក្សីមាសជំនាន់ទី១២របស់ពាន "Golden Bird Award” ដោយជោគជ័យ។ នៅក្នុងតំណែងនេះដែរ ស្រីស្អាតវ័យ២៦ឆ្នាំបានរាំបើកឆាកឲ្យកម្មវិធីឆ្នាំនេះផងដែរ។ សម្រស់របស់ Dilraba ត្រូវបានគេវាយតម្លៃថាមិនចាញ់តារារៀមច្បងជំនាន់មុនៗឡើយ។
គួរបញ្ជាក់ផងដែរថា រាជិនីបក្សីមាសជំនាន់មុនៗរួមមាន៖ Liu Yifei, Zhao Liying, Li Xiaolu, Liu Shishi និង Tang Yan ជាដើម។ តំណែងរាជិនីនេះត្រូវបានជ្រើសឡើងជារៀងរាល់២ឆ្នាំម្ដង៕
ចុចអាន៖ធ្លាប់តែត្រូវគេសរសើរថាក្មេងជាងវ័យ តែចាន់ចាវពេលនេះចាប់ផ្ដើមចាស់មែនទែនហើយ