មិនប្រយ័ត្នមិនបានទេ! ពេលមានផ្ទៃពោះ ស្ត្រីត្រូវចៀសវាងការងារផ្ទះទាំងនេះ
- 2018-10-14 23:10:00
- ចំនួនមតិ 0 | ចំនួនចែករំលែក 0
មិនប្រយ័ត្នមិនបានទេ! ពេលមានផ្ទៃពោះ ស្ត្រីត្រូវចៀសវាងការងារផ្ទះទាំងនេះ
កំឡុងពេលមានផ្ទៃពោះ គឺជាពេលវេលាដែលមនុស្សស្រីត្រូវប្រុងប្រយ័ត្នបំផុត ជាពិសេសការថែទាំថ្នមខ្លួន ក៏ដូចជាចំណីអាហារផ្សេងៗ។ ការងារមួយចំនួន ជាពិសេសការងារផ្ទះដែលអ្នកធ្វើរាល់ថ្ងៃខាងក្រោមនេះ គួរតែផ្អាក ទុកឲ្យគ្រួសារអ្នកធ្វើជំនួសវិញទៅ ព្រោះវានឹងអាចបង្កគ្រោះថ្នាក់ដល់អ្នក រួមទាំងកូននៅក្នុងផ្ទៃ៖
១. ការងារសម្អាតដែលត្រូវប្រើជាតិគីមី
ចៀសវាងការងារផ្ទះផ្សេងៗដែលមានពាក់ព័ន្ធសារធាតុគីមីពុល និងរបស់ដែលមានក្លិនអាក្រក់។
២. ការសម្អាតដោយប្រើម៉ាស៊ីនបូមធូលី
ការសម្អាតបែបនេះអាចបង្កការឈឺខ្នងដែលស្ត្រីមានផ្ទៃពោះទូទៅតែងតែមានស្រាប់ កើតមានកាន់តែខ្លាំង។
៣. បោកខោអាវ
ការខំប្រឹងឈោង ឬឱនងើបច្រើនគឺមិនល្អឡើយសម្រាប់អ្នកមានផ្ទៃពោះ ដូច្នេះយកល្អគួរទុកការងារទាំងនេះឲ្យស្វាមីអ្នកធ្វើជំនួសវិញទៅ។
៤. សម្អាតកន្លែងសត្វចិញ្ចឹម
មេរោគដែលមានក្នុងលាមកសត្វចិញ្ចឹម ជាពិសេសសត្វឆ្មា អាចបង្កគ្រោះថ្នាក់ខ្លាំងដល់ស្ត្រីមានផ្ទៃពោះ។
៥. សម្អាតវាំងនន និងពិតាន
ការសម្អាតនៅកន្លែងខ្ពស់ៗដែលត្រូវតជណ្ដើរឡើងបែបនេះ ធ្វើឲ្យស្ត្រីមានផ្ទៃពោះពិបាកទប់លំនឹង និងងាយប្រឈមគ្រោះថ្នាក់បំផុត។
៦. លើក ស្ពាយ ឬយួររបស់ធ្ងន់ៗ
កុំស្ពាយរបស់លើខ្នងធ្ងន់ៗពេក ហើយត្រូវប្រយ័ត្ន និងបន្ទន់ជង្គង់ពេលឱនយកអីវ៉ាន់ផ្សេងៗ កុំឱនទៅទាំងជំហរ ៕
ចុចអាន៖
វិធីសាស្ត្រចិញ្ចឹមកូនតូចឱ្យឆ្លាត សុភាពរាបសា មិនព្រហើនកោងកាច
ស្ត្រីមានផ្ទៃពោះមានលក្ខណៈ ៤យ៉ាងនេះច្រើនតែឆ្លងទន្លេងាយស្រួល និងបានឆាប់រហ័ស