ឈ្មោះជាសង្សារ តែខាងប្រុសអត់រវីរវល់នឹងយើងសោះ តើគួរធ្វើម៉េចឲ្យគេដឹងខ្លួន?

2018-10-15 01:11:00
ចំនួនមតិ 0 | ចំនួនចែករំលែក 0

អ្នកខ្លះឈ្មោះជាសង្សារមែន តែឆ្ងាយគ្នាជាងអ្នកដទៃទៀត ហើយពេលខ្លះមួយថ្ងៃពេញ មិនទាន់បាននិយាយរកគ្នាមួយម៉ាត់ផង។ បើបែបនេះ តើជាសង្សារគ្នាមានន័យអ្វីទៅ? ហើយគួរតែធ្វើយ៉ាងម៉េចបើយើងជួបរឿងបែបនេះ?

១. គិតអីល្អៗ ៖ ទោះអ្នកគិតល្អក៏ប៉ុណ្ណឹង គិតអាក្រក់ក៏ប៉ុណ្ណឹង ដូច្នេះគួរតែរៀនគិតអីល្អៗ ដូចជា គិតថាគាត់កំពុងរវល់ គិតថាគាត់ប្រហែលអត់ចូលចិត្តនិយាយច្រើនជាដើម ព្រោះវាអាចជួយអ្នកឲ្យបានធូរចិត្តខ្លះ ជាពិសេសកុំគិតអីមិនល្អព្រោះវាអាចប៉ះទង្គិចចិត្តអ្នកខ្លាំងណាស់។

២. ធ្វើខ្លួនឲ្យរវល់ដូចគ្នា ៖ គេមានការងារអ្នកក៏មានដែរ ហើយបើទំនេរអ្នកអាចអង្គុយមើលរឿងតែឯង អានសៀវភៅ ឬ ទៅខាងក្រៅជួបមិត្តភក្តិចាស់ៗ ដើម្បីកុំឲ្យខ្លួនឯងមានអារម្មណ៍ឯកា។

រូបតំណាង

៣. កុំរករឿងគេ ៖ មនុស្សអាយុប៉ុណ្ណឹងអស់ហើយ មិនគួរឈ្លោះគ្នាអីទៀតទេ គួរតែធ្វើដូចអត់មានរឿងអីកើតឡើងទៅ ហើយនិយាយសួរសុខទុក្ខគាត់មុន បារម្ភពីគាត់តាមចិត្តយើងមាន។ ធ្វើបែបនេះគឺអ្នកមិនបានដាក់សម្ពាធឲ្យខ្លួនឯង និង គាត់ដូចគ្នា។

៤. ធ្វើល្អដាក់គេ ៖ បើគេមិនល្អដាក់អ្នក នោះអ្នករឹតតែត្រូវធ្វើល្អដាក់គេឲ្យបានច្រើន។ ដឹងអត់ថាហេតុអីអ្នកត្រូវធ្វើបែបនេះ? ព្រោះអំពើល្អដែលយើងធ្វើគឺជាតម្លៃរបស់យើង ទោះបីគេមិនមិនឃើញតែយើងសប្បាយចិត្តសម្រាប់ខ្លួនឯង ហើយមិនយូរទេគេនឹងរអៀសខ្លួនឯង។

៥. បង្កើនភាពរឹងមាំសម្រាប់ខ្លួនឯង ៖ ហេតុអីអ្នកត្រូវរឹងមាំក្នុងកំឡុងពេលនេះ? ព្រោះបើពេលនេះអ្នកកាន់តែទន់ជ្រាយគេនឹងកាន់តែមើលងាយអ្នក កុំខ្វល់នៅអំពើដែលគេធ្វើមកលើអ្នក តែអ្នកត្រូវខ្វល់លើទង្វើដែលអ្នកធ្វើទៅលើគេ និងខ្លួនឯង។ បង្កើនសម្រស់ បង្កើនភាពអស្ចារ្យ និងភាពលេចធ្លោសម្រាប់ខ្លួនឯង។

រូបតំណាង

៦. ដើរចេញ ៖ មិនយូរទេអ្នកនឹងមានអារម្មណ៍ថាហត់នឿយជាមួយពាក្យថាសង្សារនោះ ហើយនឹងដកខ្លួនចេញដោយខ្លួនឯងម្ដងបន្តិចៗ តែពេលនោះអ្នកត្រូវដឹងថាអ្នកមិនបានខុសលើស្នេហានោះទេ គឺជាគេ ដូច្នេះអ្នកគ្មានអីត្រូវស្ដាយឡើយ ហើយគេនឹងយល់ថាហេតុអីអ្នកចាកចេញ។

មនុស្សមានការអត់ធ្មត់ណាស់ តែមិនមែនជារៀងរហូតនោះទេ ដូច្នេះកុំបង្ខំមនុស្សឲ្យដើរផ្លូវទាល់៕

ចុចអាន៖ធ្លាប់អត់ តែងតែគិតថាគេស្រឡាញ់យើងវិញ ទាំងការពិតមិនមែន?

អត្ថបទ៖ ផេង ផលធិតា