ស្រីៗចូលចិត្តផាត់មុខស្រាលៗបែបធម្មជាតិ គួរដឹងតិចនិកទាំងនេះដើម្បីឃើញសាច់មុខម៉ដ្ឋល្អ

2018-10-02 02:01:52
ចំនួនមតិ 0 | ចំនួនចែករំលែក 0

ការផាត់មុខស្រាលៗមើលទៅរលោងបែបធម្មជាតិ ជាទីពេញនិយមសម្រាប់នារីៗ ដែលមិនចូលចិត្តតុបតែងមុខក្រាស់ៗពេក។ មានដំណាក់កាលជាច្រើនដែលអ្នកគួរយកចិត្តទុកដាក់ ប្រសិនបើអ្នកចង់លេងស្ទីល Makeup បែបធម្មជាតិ សាច់ម្សៅចូលផ្ទៃមុខសព្វល្អ។

១. លាងសម្អាតមុខ នេះជាដំណាក់កាលសំខាន់បំផុត មុនពេលដែលអ្នកតុបតែងមុខ ត្រូវលាងសម្អាតមុខឲ្យបានស្អាតល្អជាមួយនឹងហ្វូមស្រាលល្មម គ្មានជាតិកាត់ខ្លាំង។

២. ផ្តល់សំណើមដល់ស្បែកមុខ

ដើម្បីជៀសវាងកុំឲ្យម្សៅកកលើស្បែកមុខ ដំបូងត្រូវលាមក្រែមផ្តល់សំណើមជាមុនសិន ទើបស្បែកមុខមានសភាពទន់រលោង ផាត់ម្សៅឆាប់ចូល។

៣. ប្រើម្សៅទ្រនាប់ ( Foundation)

ម្សៅទ្រនាប់អាចជួយបិទបាំងស្នាម ដោយមិនចាំបាច់ត្រូវលាបច្រើនជាន់ សំខាន់ចេះប្រើប៉ុងតប់ម្សៅឲ្យសព្វល្អ ការពារមិនឲ្យប្រតាកនិងជាប់បានយូរ។

៤. ជ្រើសរើសម្សៅហ៊ុយដែលត្រូវជាមួយពណ៌ស្បែក

ប្រសិនបើអ្នកមិនចង់ឲ្យមុខរលើបរលោងឆាប់ឡើងខ្លាញ់ គួរជ្រើសរើសម្សៅហ៊ុយដែលត្រូវជាមួយពណ៌ស្បែក ផាត់ដោយប្រើជក់ធំ ក្នុងបរិមាណសមល្មម។

បើមិត្តៗនារីចង់ដឹងកាន់តែច្បាស់ ពីរបៀបតុបតែងមុខ ឬទាក់ទងជាមួយនឹងការថែរក្សាសម្ផស្សឲ្យបានកាន់ច្បាស់ អាចចូលរួម ពិព័រណ៍ នារីសម័យថ្មី Ladies' Fair ដែលនឹងធ្វើឡើងនៅ ថ្ងៃទី២២-២៣ ខែធ្នូ ២០១៨ ខាងមុខនេះ នៅកោះពេជ្រ ដោយមានលក់សុទ្ធតែផលិតផលសម្រាប់ស្រីៗក្នុងតម្លៃ Discount រហូតដល់ ៨០% ឯណោះ។ ក្រៅពីទទួលបានការបញ្ចុះតម្លៃពិសេស ស្រីៗគ្នាយើងក៏អាចទទួលបានការប្រឹក្សាយោបល់ពីអ្នកជំនាញ និងមានជាកាដូជាច្រើនទៀតផង៕