ចង់ឲ្យកូនមានអនាគតល្អ ត្រូវបង្រៀនឲ្យគេយល់ ១០ចំណុចនេះ
- 2018-10-01 09:40:15
- ចំនួនមតិ 0 | ចំនួនចែករំលែក 0
ចង់ឲ្យកូនមានអនាគតល្អ ត្រូវបង្រៀនឲ្យគេយល់ ១០ចំណុចនេះ
ការចែករំលែក អប់រំទូន្មានកូនអំពីមេរៀនជីវិតគឺជារឿងសំខាន់ណាស់សម្រាប់ឪពុកម្ដាយ។ ខាងក្រោមនេះ កញ្ញា នឹងបង្ហាញពី មេរៀនជីវិត ១០ឃ្លា ដែលអ្នកគួរចងចាំទុកសម្រាប់ខ្លួនឯង ក៏ដូចជាទុកអប់រំកូនចៅ នៅពេលពួកគេចាប់ផ្ដើមចេះគិត និងចាប់ផ្ដើមប្រឡូកក្នុងសង្គម៖
១. ភ្លេចអ្វីភ្លេចចុះ តែកុំ “ភ្លេចខ្លួន” ខូចអ្វីខូចចុះ តែកុំឲ្យ “ខូចមនុស្ស” ខុសអ្វីខុសចុះ តែកុំ “ខុសសីលធម៌”។
២. ចូរកូនចាំទុកថា “សត្រូវថ្ងៃនេះ អាចក្លាយជាមិត្តទៅថ្ងៃខាងមុខ” ដូច្នេះហើយ កុំធ្វើអ្វីទៅលើសលស់ទៅលើគេខ្លាំងពេក។
៣. កូនត្រូវចេះសប្បាយនឹងការ “ចាយលុយ” ហើយព្រមជាមួយគ្នានោះ កូនត្រូវសប្បាយនឹងការ “សន្សំលុយ” ផង ហើយកាន់តែសំខាន់ជាងនេះ គឺត្រូវសប្បាយនឹងការរកលុយដោយមិននាំទុក្ខដល់ខ្លួនឯង “គឺរកលុយដោយវិធីត្រឹមត្រូវ”។
៤. ទង្វើរបស់កូន ពេលខ្លះក៏មិនទាន់ត្រូវចិត្តខ្លួនឯងផង ដូច្នេះហើយតើឲ្យអ្នកដទៃមកពេញចិត្តយើងគ្រប់ពេលយ៉ាងម៉េចបាន? គិតតែប៉ុណ្ណឹងទៅ ដូច្នេះហើយកូនគួរកុំឆាប់ខឹងអ្នកដទៃពេក។
៥. បើកូនហ៊ានធ្វើអ្វីដែលត្រឹមត្រូវ កូននឹងក្លាយជា “មនុស្សឆ្លាត” បើកូនហ៊ានធ្វើអ្វីដែលខុសឆ្គង នោះនឹងក្លាយជា “មនុស្សល្ងង់” ដូច្នេះហើយសូមកូនក្លាហានហ៊ានធ្វើអ្វីបែប "មនុស្សឆ្លាត"។
៦. បាបនិងបុណ្យទាំងអស់ ដែលកូនកំពុងធ្វើនៅពេលនេះ “ថ្ងៃមួយ វានឹងរួមគ្នាតបស្នងមកឲ្យកូនវិញ”។ អ្វីដែលកូនបានទទួល នៅរាល់ថ្ងៃនេះ “គឺជាផលកើតចេញពីទង្វើកន្លងមករបស់កូនទាំងអស់”។
៧. កូនត្រូវចាំទុកថា “ធម្មជាតិមិនដែលបង្កគ្រោះឲ្យអ្នកណាទេ អ្នកណាសាងអ្វី នឹងត្រូវទទួលផលយ៉ាងនោះ” ប៉ុន្តែធម្មជាតិក៏ផ្ដល់ឱកាសឲ្យគ្រប់គ្នាជានិច្ច ប៉ុន្តែមនុស្សយើងភាគច្រើន “មិនសូវទទួលយកឱកាសនោះទេ”។
៨. នៅពេលមានបញ្ហា ត្រូវដោះស្រាយវាឲ្យបានគ្រប់ចំណុច ដូច្នេះទើបទុក្ខលំបាកនឹងសាបសូន្យទៅឆាប់រហ័ស។
៩. កូនត្រូវចាំទុកថា មនុស្សដែលមើលឃើញតែលុយគឺ "ពិបាករាប់អាន" មនុស្សដែលមើលឃើញតែការងារគឺ “ងាយរាប់អាន” រីឯមនុស្សដែលចេះមើលឃើញអ្នកដទៃគឺ “រាប់អានបានសុខ”។
១០. បើកូនប៉ងប្រាថ្នាឲ្យអ្នកដទៃស្រឡាញ់ “កូនត្រូវធ្វើខ្លួនឲ្យគួរឲ្យស្រឡាញ់ ទើបកូនក្លាយជាមនុស្សជាទីស្រឡាញ់របស់អ្នកដទៃ” ៕
ចុចអាន៖
សម្ដីមាសខុងជឺ៖ ឧស្សាហ៍ខុសក្បួន ៥ប្រការដែលប្រឹងយ៉ាងណាក៏នៅតែក្រ
សញ្ញា៨យ៉ាងរបស់មនុស្សដែលត្រូវស្ពាយទុក្ខជាប់ខ្លួនអស់មួយជីវិត