នរកទាំងរស់! នេះហើយលទ្ធផលបោះបង់ចោលប្រពន្ធកម្សត់កម្រ ទៅរកស្រីក្មេង
- 2018-10-01 04:45:16
- ចំនួនមតិ 0 | ចំនួនចែករំលែក 0
នរកទាំងរស់! នេះហើយលទ្ធផលបោះបង់ចោលប្រពន្ធកម្សត់កម្រ ទៅរកស្រីក្មេង
ជីវិតខ្ញុំបានធ្លាក់ចូលក្នុងនរកទាំងរស់។ គ្រប់យ៉ាងខ្ញុំគឺជាអ្នកសាងដោយខ្លួនឯង។
ខ្ញុំបានរៀបការជាមួយភរិយា និងរួមរស់ជាមួយគ្នាជាង ១០ឆ្នាំ។ ពួកយើងបានតស៊ូជាមួយគ្នាតាំងពីបាតដៃទទេ បង្កើតមុខជំនួញជាមួយគ្នារហូតអាចងើបផុតពីភាពក្រីក្របាន។
ប៉ុន្តែក្រោយមក ខ្ញុំបានជួបជាមួយនារីវ័យក្មេងម្នាក់ ហើយក៏ធ្លាក់ក្នុងអន្លង់ស្នេហ៍របស់នាងតែម្ដង។ ខ្ញុំស្រលាញ់នាងកាន់តែខ្លាំងឡើងៗ រហូតទីបំផុតខ្ញុំក៏សម្រេចចិត្តលែងលះប្រពន្ធដើមរបស់ខ្ញុំដើម្បីទៅរស់នៅជាមួយនាង។ ក្រោយលែងលះ ស្រីស្នេហ៍ថ្មីរបស់ខ្ញុំបានឲ្យខ្ញុំទាមទារទ្រព្យសម្បត្តិទាំងអស់ ហើយទីបំផុតប្រពន្ធខ្ញុំក៏ចុះចេញទៅទាំងខ្លួនទទេជាមួយកូនទាំងពីររបស់យើង។
ពេលនោះខ្ញុំសប្បាយចិត្តណាស់។ ខ្ញុំបានទិញកាដូជាច្រើនជូនប្រពន្ធថ្មីរបស់ខ្ញុំ ហើយក៏ជូននាងដើរលេងជាច្រើនកន្លែង។ ប៉ុន្តែសុភមង្គលមួយនេះបានបញ្ចប់ទៅវិញក្នុងរយៈពេលយ៉ាងខ្លី។ នាងហាក់ព្យាយាមបំផ្លាញលុយរបស់ខ្ញុំស្ទើរតែអស់ពីខ្លួន។ “ម៉ាក់របស់បងឈឺ យើងទៅមើលគាត់តិចទៅ”
“ខ្ញុំគ្មានពេលទេ”
នាងឆ្លើយយ៉ាងនេះ ពេលខ្ញុំបបួលទៅមើលម្ដាយខ្ញុំដែលកំពុងឈឺ។
“អូនអ្ហា ជួយទៅទិញថ្នាំឲ្យបងបានទេ?”
“អត់បានទៅបង ខ្លាចយឺតទៅមិនទាន់ពិធីជប់លៀង។ ឲ្យលុយអូនខ្លះមក”
ពេលខ្ញុំឈឺនាងក៏មិនខ្វល់ អ្វីដែលនាងខ្វល់គឺការជប់លៀងរាំរែកជាមួយមិត្តភ័ក្ដិទៅវិញ។ យ៉ាងណាមិញ អ្វីដែលធ្វើឲ្យខ្ញុំកាន់តែកកឈាមនោះគឺមិនមែនការសប្បាយរបស់នាងនោះទេ ប៉ុន្តែថ្ងៃមួយខ្ញុំបានដឹងថា នាងបានយកលុយរបស់ខ្ញុំទៅចំណាយលើបុរសវ័យក្មេងម្នាក់ទៀត។ ទីបំផុតខ្ញុំក៏ដឹងច្បាស់ថា នាងមិនបានស្រលាញ់ខ្ញុំទេ។ នាងគ្រាន់តែចង់បានលុយរបស់ខ្ញុំតែប៉ុណ្ណោះ។
ក្រោយបែកពីនាង ខ្ញុំក៏បានទៅសុំត្រូវរ៉ូវគ្នាវិញជាមួយអតីតភរិយា ប៉ុន្តែគ្មានផ្លូវឡើយ ប្រពន្ធរបស់ខ្ញុំមិនអាចលើកលែងទោសឲ្យខ្ញុំឡើយ។ អ្វីដែលខ្ញុំចង់បានត្រលប់មកវិញ គឺសុទ្ធតែមិនអាច។ ខ្ញុំបានក្លាយជាមនុស្សដ៏ឯកោបំផុត។ ពេលនោះហើយដែលខ្ញុំដឹងថា ខ្ញុំបានធ្វើឲ្យជីវិតខ្លួនឯងធ្លាក់ចូលក្នុងនរកទាំងរស់ ៕
ចុចអាន៖
“មនុស្សស្រីកាឡកិណី" អត្ថបទសាងកម្លាំងចិត្ត ដែលគ្រប់គ្នាគួរអានដល់ចប់
បទពិសោធន៍នារីផិតប្ដីម្នាក់ ដែលស្រីៗគួរអានយ៉ាងហោចម្ដងក្នុងជីវិត