កុំទាន់ថាគូដណ្ដឹង Fan Bingbing អត់ចិត្ត បើមិនទាន់ដឹងច្បាស់ពីលោក
- 2018-09-26 02:33:39
- ចំនួនមតិ 0 | ចំនួនចែករំលែក 0
កុំទាន់ថាគូដណ្ដឹង Fan Bingbing អត់ចិត្ត បើមិនទាន់ដឹងច្បាស់ពីលោក
ភស្តុតាងថ្មីបំផុតបានបង្ហាញឲ្យឃើញថា តារាសម្ដែងប្រុសល្បីឈ្មោះចិន Li Chen នៅតែស្រលាញ់កំពូលតារាសម្ដែងស្រី Fan Bingbing ដូចដើម មិនដូចអ្វីដែលគេនិយាយនោះឡើយ។
កាលពីថ្ងៃទី១៦ ខែកញ្ញាមុននេះ គឺជាថ្ងៃខួបកំណើតគម្រប់ ៣៧ឆ្នាំរបស់តារាសម្ដែងលំដាប់ A ចិន Fan Bingbing។ យោងតាមប្រភពនានារបស់ចិន ខុសពីឆ្នាំមុនៗដែលតែងមានតារាជាច្រើនជូនពរនាងក្នុងថ្ងៃខួបនោះ នៅឆ្នាំនេះមានតែអ្នកដឹកនាំរឿង Li Yue តែម្នាក់ឯងគត់ដែលបានជូនពរនាង។ មនុស្សជាច្រើនបានរិះគន់តារាសម្ដែងប្រុស Li Chen ដែលជាគូដណ្ដឹងរបស់នាង ត្បិតលោកមិនបានជូនពរនាងឆ្នាំមុនឡើយ។
យ៉ាងណាក្ដី ដោយសារតែឃើញមិត្តភ័ក្ដិខ្លួន ត្រូវរងពាក្យជេរស្ដីធ្ងន់ធ្ងរខ្លាំងពេក ទប់ចិត្តមិនបាន មិត្តភ័ក្ដិម្នាក់របស់តួរឿង “មហិច្ឆតាអ៊ូម៉ីនាង” បានចេញមុខបកស្រាយជំនួសលោក បំបាត់រាល់ពាក្យចចាមអារ៉ាមលោកដោះដៃចោលស្នេហាគ្រាមានអាសន្ន។ តាមនោះដែរ នៅថ្ងៃកំណើតគូដណ្ដឹង វេលាម៉ោង ៥៖២០នាទី ប្រុសស្អាតវ័យ ៣៩ឆ្នាំបានសរសេរនៅលើបណ្ដាញសង្គម Weixin ដែលជាបណ្ដាញសង្គមសម្រាប់មិត្តភ័ក្ដិជិតស្និទ្ធទើបមើលឃើញថា៖ “រីករាយថ្ងៃកំណើត”។
គួរបញ្ជាក់ផងដែរថា នៅក្នុងវប្បធម៌ចិន លេខ៥២០ មានន័យថា “បងស្រលាញ់អូន” អាស្រ័យហេតុនេះ អ្នកគាំទ្របានគិតថាលោកនៅតែស្រលាញ់ Bingbing ដូចដើម។ មិត្តភ័ក្ដិរបស់លោកក៏បន្ថែមថា មូលហេតុដែល Li Chen មិនបង្ហោះលើ Weibo នោះគឺមិនចង់បញ្ចេញសកម្មភាពច្រើននៅពេលនេះឡើយ៕