លើកទី១ លី លានជាសារភាពថាខ្លួនផិតក្បត់ ហើយសុំប្រពន្ធដើមលែងលះ

2018-09-26 02:11:12
ចំនួនមតិ 0 | ចំនួនចែករំលែក 0

ទោះបីជាបានបំបែកផ្លូវគ្នាហើយក្ដី តែសម្រាប់កំពូលតារាសម្ដែង Jet Li ប្រពន្ធទីមួយរបស់លោកគឺជានារីដែលល្អមួយរូប។

លី លានជា ជាមួយប្រពន្ធមុន

កាលពីថ្ងៃទី១៦ ខែកញ្ញាកន្លងទៅនេះ អ្នកកាសែតល្បីឈ្មោះ Zhang Xiu Qiu បានបង្ហោះអត្ថបទសម្ភាសន៍រវាងលោក និងកំពូលតារាសម្ដែងក្បាច់គុន Jet Li ពីប្រពន្ធទីមួយរបស់លោក គឺលោកស្រី Huang Qiu Yan។ នៅក្នុងជំនួបនេះ លី លានជាបាននិយាយអំពើខុសឆ្គងរបស់ខ្លួនចំពោះប្រពន្ធមុន។ តួរឿង “Shaolin” បានចែករំលែកថា៖

“កាលខ្ញុំនៅក្មេង មានមនុស្សស្រីម្នាក់ដែលស្រលាញ់ខ្ញុំខ្លាំង ខ្ញុំក៏ស្រលាញ់នាង ដូចនេះពួកខ្ញុំក៏ប្រញាប់រៀបការ ហើយមានកូន។ តែពេលខ្ញុំជួបមនុស្សស្រីម្នាក់ទៀត ខ្ញុំបានលង់ស្រលាញ់នាងភ្លាម។ ពេលនោះខ្ញុំសឹងតែអាចស្លាប់ដើម្បីនាង បោះបង់ចោលគ្រប់បែបយ៉ាងដើម្បីនាង។ ខ្ញុំដឹងថានោះគឺជាស្នេហាពិតប្រាកដ។ ថ្ងៃមួយ ខ្ញុំបានត្រលប់មកផ្ទះវិញហើយប្រាប់ប្រពន្ធថា៖ បងសូមទោស គឺបងជាអ្នកខុស។ បងបានរកឃើញស្នេហាពិតសម្រាប់ខ្លួនឯងហើយ។ រឿងមួយគត់ដែលបងអាចធ្វើសម្រាប់អូននៅពេលនេះគឺប៉ះប៉ូវគ្រប់បែបយ៉ាងឲ្យអូនវិញ” លី លានជាប្រាប់។

ក្រោយពេលស្រលាញ់គ្នាជាមួយ បវរកញ្ញា Nina តួប្រុសវ័យ៥៦ឆ្នាំ បានសុំប្រពន្ធដើមលែងលះ។ ទោះបានបែកគ្នាហើយក្ដី តែតារាកើតឆ្នាំ១៩៦២ នៅតែប្រាប់ថា ប្រពន្ធដើមខ្លួនជានារីល្អមួយរូប។ ជាមួយប្រពន្ធថ្មី អ្នកទាំង២បានមានកូន២ជាមួយគ្នា៕