៦ចំណុចប្រពន្ធមិនគួរធ្វើ ក្រោយដឹងថាប្តីក្បត់ចិត្តលែងស្រលាញ់ខ្លួនដូចមុន

2018-09-23 23:33:00
ចំនួនមតិ 0 | ចំនួនចែករំលែក 0

នារីគ្រប់រូបតែងគិតប៉ងចង់បានបុរសល្អធ្វើជាស្វាមី ប៉ុន្តែពេលអ្វីៗមិនបានដូចបំណង អ្នកក៏មិនត្រូវខូចចិត្តរហូតដល់គិតអីមិនចេញនោះដែរ។ គ្មាននរណាមួយចង់ជួបរឿងអប្រិយប្តីក្បត់ចិត្ត បែបនេះឡើយ ប៉ុន្តែបើសំណាងអាក្រក់បានជួបមែននោះ អ្នកត្រូវដឹងឲ្យច្បាស់នូវអ្វីដែលមិនគួរធ្វើ ដើម្បីកុំឲ្យខ្លួនឯងធ្លាក់ក្នុងស្ថានភាពកាន់តែយ៉ាប់យ៉ឺន។

១. កុំព្យាយាមរកវិធីសងសឹក

នរណាក៏មានកំហឹងដែរបើប្រទះរឿងបែបនេះ ប៉ុន្តែមិនត្រូវធ្វើអ្វីតាមកំហឹងដាច់ខាត។ អ្នកមិនគួរហែកកេរ្តិ៍ប្ដីតាមបណ្តាញសង្គម ជេរវាយតប់ រកវិធី ដើម្បីឲ្យគាត់ខឹងនោះទេ ព្រោះបើអ្នកកាន់តែធ្វើ អ្នកកាន់តែយកទុក្ខមកដាក់ខ្លួន មិនបានផលហើយ រកសេចក្តីសុខឲ្យខ្លួនឯងមិនបានទៀត។

រូបតំណាង

**២. កុំគិតខ្លី**

មិនអីទេ យំទៅ យំឲ្យអស់ចិត្តទើបបានធូរទ្រូង ព្រោះរយ:ពេលដែលបានរួមរស់ជាមួយគ្នា មិនមែនចង់ភ្លេច ភ្លេចបានភ្លាមឡើយ។ យ៉ាងណាត្រូវតែសង្គ្រោះខ្លួនឯង បន្តិចម្តងៗ ព្រោះជីវិតអ្នកមិនទាន់ចប់ត្រឹមនេះទេ ធ្វើខ្លួនឲ្យសប្បាយ ហើយត្រូវរស់នៅបន្តទៀត។

៣. កុំគិតថាខ្លួនធ្លាក់ចូលរណ្តៅជ្រៅគ្មានផ្លូវចេញ

អ្នកច្បាស់ជាមិនសុខចិត្ត បន្ទោសព្រហ្មលិខិត ខំធ្វើល្អប៉ុណ្ណឹងហើយ ហេតុអ្វីកម្មក្រាស់ជួបរឿងបែបនេះ។ កុំតូចចិត្តនឹងខ្លួនឯងអី វាជួយអ្វីមិនបានទេ ត្រូវក្រោកឈរហើយធ្វើខ្លួនឲ្យរឹងមាំឡើង។

៤. កុំយកកូនៗមកពាក់ព័ន្ធ

កូនៗមិនដឹងរឿងអីទេ កុំឈ្លោះគ្នាហើយរាលដាលដល់ពួកគេ រកវិធីដោះស្រាយតែពីរអ្នកប្តីប្រពន្ធឲ្យស្រួលបួលទៅ។ មិនត្រូវឲ្យពួកគេធ្វើការជ្រើសរើសថា ត្រូវនៅខាងម៉ាក់ឬប៉ានោះទេ។

រូបតំណាង

៥. កុំឲ្យនរណាមកគ្រប់គ្រងការសម្រេចចិត្តអ្នក

ម្តាយថាលែងគ្នាទៅកុំនៅយកកម្ម ឯមិត្តជិតស្និទ្ធថាទុកឧកាសឲ្យគាត់កែខ្លួនសិនទៅ ស្តាប់ហើយដូចជាច្របូកច្របល់ណាស់ មិនដឹងសម្រេចចិត្តបែបណា។ មនុស្សមានគំនិតខុសៗគ្នា ដូច្នេះហើយមានតែខ្លួនអ្នកផ្ទាល់ទើបអាចដឹងថាអ្វីដែលល្អសម្រាប់ជីវិតខ្លួន។

៦. កុំភ្លេចថែរក្សាខ្លួន

ទោះជាមានរឿងអ្វីកើតឡើងក៍ដោយ ការថែរក្សាខ្លួនពិតជាសំខាន់ខ្លាំងណាស់ មិនត្រូវធ្វើឲ្យខ្លួនធ្លាក់ក្នុងសភាពដុនដាបទេ។ ត្រូវញុំាំ ហាត់ប្រាណ សម្រាកឲ្យបានគ្រប់គ្រាន់ ហើយរកពេលលំហែកាយ ព្រោះជីវិតអ្នកមានតម្លៃជាងអ្វីទាំងអស់៕