មនុស្សស្រីឆ្លាត កុំខ្វល់រឿងចងជើងប្ដី (អ្នកមានប្ដីអានទៅល្អណាស់)
- 2018-09-21 02:04:49
- ចំនួនមតិ 0 | ចំនួនចែករំលែក 0
មនុស្សស្រីឆ្លាត កុំខ្វល់រឿងចងជើងប្ដី (អ្នកមានប្ដីអានទៅល្អណាស់)
តាំងពីអើយមក ចាស់ៗតែងនិយាយថាមនុស្សស្រីបង្វិលចង្ក្រានមិនជុំ បញ្ជាក់ន័យថាស្រីៗធ្វើបានតែការងារតូចតាច រីឯមនុស្សប្រុសទើបអាចធ្វើការងារធំបាន។ យ៉ាងណាក៏ដោយ តួនាទីរបស់មនុស្សស្រីនៅក្នុងគ្រួសារពិតជាធំណាស់ ព្រោះបើគ្មានស្រមោលរបស់ពួកគេទេ ភាពកក់ក្ដៅរបស់គ្រួសារក៏ពិបាករក្សាដែរ។
មនុស្សស្រីដែលមានកូនហើយរមែងតែងត្រូវមើលថែកូន មើលប្ដី រក្សាទំនាក់ទំនងគ្រួសារខាងប្ដី និងខាងខ្លួនឯងកុំឲ្យមានជម្លោះ ព្រោះបើមានរឿងអីកើតឡើង អ្នកដែលរងការស្ដីបន្ទោសគឺតែប្រពន្ធនេះឯង។ ចុះឡើងៗ ពីមួយថ្ងៃទៅមួយថ្ងៃ មនុស្សស្រីឃើញតែនៅក្នុងផ្ទះបាយ។ ឯអ្នកមាត់អាក្រក់ខ្លះវិញ ឃើញយើងយូរធ្វើខ្លួនម្ដងសុទ្ធតែនិយាយថា មានប្ដីហើយធ្វើខ្លួនឲ្យអ្នកណាមើល? អីចឹងឲ្យតែនារីមានប្ដីហើយអស់សិទ្ធិធ្វើខ្លួនតែម្ដង ឬយ៉ាងម៉េច?
មនុស្សស្រីដែលចេះធ្វើខ្លួន មើលថែខ្លួនឯងគឺជាមនុស្សស្រីដែលឆ្លាតវៃ។ កុំយកលេសថាយើងគ្មានពេល ហើយបណ្ដោយឲ្យពេលវេលាបំផ្លាញសម្រស់យើងឲ្យសោះ។ រូបសម្បត្តិស្រស់ស្អាតជួយឲ្យស្ត្រីជឿជាក់ ពេលយើងជឿជាក់ហើយ ប្ដីក៏ពិបាកនឹងបែកចិត្តដែរ។
ឈប់គិតដល់រឿងចងជើងប្ដីទៅ អ្វីដែលកាន់តែរឹតបន្តឹង កាន់តែងាយបាត់បង់។ មនុស្សស្រីឆ្លាត គឺជាអ្នកដែលយល់ច្បាស់ពីបញ្ហានេះ។ តាំងពីដើមមក មនុស្សប្រុសគឺស្អប់ការគាបសង្កត់ ចងក្រងពួកគេ ដូចនេះធ្វើជាមនុស្សស្រី ត្រូវឲ្យគេមានពេលវេលាផ្ទាល់ខ្លួនគ្រប់គ្រាន់ ធ្វើយ៉ាងម៉េចកុំឲ្យតែគេព្រងើយកន្តើយនឹងគ្រួសារគឺបានហើយ។
គេសង្កេតឃើញថា មនុស្សស្រីនៅពេលត្រូវមនុស្សប្រុសបែកចិត្តហើយ ទើបភ័យខ្លួន ធ្វើខ្លួនឡើងវិញ តែនៅពេលនោះអត្រាដែលអូសទាញគេមកវិញបានគឺទាបខ្លាំងណាស់។ បើចង់សុភមង្គលគង់វង្ស គឺត្រូវចេះថែរក្សាខ្លួនតាំងពីដំបូង។
និយាយរួមទៅ កើតជាមនុស្សប្រុស អ្នកណាក៏ចង់បានប្រពន្ធម្នាក់ ដែលស្រស់ស្អាតហើយពូកែដែរ ដើម្បីបានដើរអួតគេ។ ដូចនេះប្រសិនបើយើងពូកែរឿងការងារហើយ ហើយចេះថែរក្សាខ្លួនឲ្យនៅផូរផង់ទៀតនោះ ស្រីខាងក្រៅ បើចង់ប្រជែងជាមួយក៏មើលទៅរាងពិបាកដែរ៕
ចុចអាន៖