គន្លឹះក្លាយជាមនុស្សស្រីដ៏មានតម្លៃម្នាក់ ដែលមនុស្សប្រុសមិនអាចបោះបង់បាន

2018-09-20 02:09:03
ចំនួនមតិ 0 | ចំនួនចែករំលែក 0

ពេលខ្លះបើយើងបណ្ដោយឲ្យតម្លៃយើងធ្លាក់ចុះ មនុស្សប្រុសក៏ចាប់ផ្ដើមបន្ទាបតម្លៃយើងដែរ។ ដូច្នេះដើម្បីធ្វើខ្លួនឲ្យក្លាយជានារីដ៏មានតម្លៃម្នាក់ដែលគាត់គ្មានថ្ងៃបោះបង់បាន គួរតែបង្កើនតម្លៃខ្លួនឯងតាមរយៈអត្ថបទខាងក្រោមនេះ ៖

១. ស្គាល់ពីតម្លៃខ្លួន

អ្នកមានតម្លៃខ្ពស់ជាងអ្វីដែលគាត់មើលឃើញទៅទៀត ដូច្នេះអ្នកកុំបន្ទាបខ្លួនដោយសារស្រឡាញ់គាត់ពេក។ អ្នកនៅទីនេះដើម្បីខ្លួនឯង មិនមែនពេលដែលមានគេគ្រប់យ៉ាងសុទ្ធតែផ្ញើលើគាត់នោះទេ។

រូបតំណាង

**២. ត្រូវទាមទារការគោរព**

ទោះក្នុងលក្ខខណ្ឌស្រឡាញ់គ្នាខ្លាំង ស្គាល់ចិត្តគ្នាប៉ុណ្ណាក៏ដោយក៏រវាងអ្នក និងគាត់ត្រូវមានការគោរពគ្នាទៅវិញទៅមក មិនមែនលេងសើចបែបកូនក្មេងគ្រប់ពេលនោះទេ។ ការគោរពគ្នាគឺជាតម្លៃមួយក្នុងស្នេហាដែលជួយឲ្យអ្នកមានកិត្តិយស និងភាពថ្លៃថ្នូរមួយដែលគាត់គោរព។

៣. មានទំនុកចិត្តលើខ្លួនឯង

អ្នកត្រូវធ្វើជាមនុស្សស្រីដែលមានទំនុកចិត្តលើខ្លួនឯង ទាំងសម្រស់ ទាំងចំណេះដឹង និងបង្ហាញឲ្យគាត់ឃើញថាអ្នកមិនមែនជាមនុស្សដែលគាត់ងាយបោកប្រាស់ ឬធ្វើបាបចិត្តនោះឡើយ។ ម្យ៉ាងទៀតការមានភាពជឿជាក់លើខ្លួនឯង ក៏ធ្វើឲ្យគាត់ខ្លាចក្នុងការបាត់បង់អ្នកដែរ។

រូបតំណាង

៤. មានជីវិតផ្ទាល់ខ្លួន

មិនមែនមានស្នេហាអ្វីគ្រប់យ៉ាងសុទ្ធតែត្រូវបញ្ចប់នោះទេ អ្នកនៅតែត្រូវតែរក្សាជីវិតផ្ទាល់ខ្លួនដដែល។ ការរីករាយជាមួយគ្រួសារ ការកម្សាន្តជាមួយមិត្តភក្តិ និងពេលវេលាផ្ទាល់ខ្លួននៅតែជាអ្វីដែលអ្នកត្រូវតែមាន ដូចពេលវេលាដែលអ្នកចែកក្នុងស្នេហាដូចគ្នា។

៥. មានភាពរឹងមាំ តែមិនមែនរឹងរូស

អ្នកត្រូវធ្វើជាមនុស្សស្រីដែលរឹងមាំ ជាពិសេសក្នុងរឿងស្នេហាតែម្ដង។ អ្នកក៏មិនគួររឹងរូសមិនស្ដាប់គាត់ទាំងអស់ដែរ តែមិនត្រូវធ្វើតាមគាត់គ្រប់យ៉ាងឡើយ ព្រោះអាចឲ្យគាត់គិតថាគ្មានគាត់អ្នករស់មិនបាន។

៦. ចេះនិយាយថា «ទេ» នៅពេលដែលអ្នកមិនចង់ធ្វើអ្វីមួយ

បើគាត់ហៅថាទៅណា ហើយអ្នកមិនចង់នោះត្រូវនិយាយថា«ទេ» កុំចេះតែតាមគាត់ហើយធ្វើឲ្យខ្លួនឯងមិនសប្បាយចិត្តច្រើនពេល។ គាត់ក៏ដូចគ្នា ព្រោះគាត់មិនអាចចេះតែគិតតែអារម្មណ៍ខ្លួនឯងឡើយ។