សកម្មភាពទាំង៦របស់មនុស្សស្រី ធ្វើឲ្យប្រុសៗបាក់ស្រឹបតាំងពី First Date
- 2018-09-19 21:36:00
- ចំនួនមតិ 0 | ចំនួនចែករំលែក 0
សកម្មភាពទាំង៦របស់មនុស្សស្រី ធ្វើឲ្យប្រុសៗបាក់ស្រឹបតាំងពី First Date
បើចង់បន្សល់ទុកការចងចាំដែលមិនអាចបំភ្លេចបានចំពោះការណាត់ជួបលើកដំបូងនោះ ស្រីៗអាចសាកធ្វើសកម្មភាពទាំងនេះបាន។
**១. ញញឹមឲ្យបានច្រើន**
ទោះបីជាសម្រស់របស់យើងនៅមានកម្រិត ឬយ៉ាងណាក៏ដោយ តែឲ្យតែពេលញញឹមឬសើច សម្រស់របស់យើងនឹងស្អាតជាងមុន៥០ភាគរយ។ ដូចនេះកុំភ្លេចញញឹមឲ្យបានច្រើនណាស្រីៗ។
២. សរសើរគូភាគី
លើកទឹកចិត្ត និងសរសើរដៃគូក្នុងកាលៈទេសៈដែលត្រឹមត្រូវនឹងធ្វើឲ្យគេពេញចិត្តស្ដូក។ នរណាក៏ដោយ នៅពេលដែលយើងធ្វើអ្វីល្អមួយ នឹងពេញចិត្តនឹងពាក្យសរសើរខ្លាំងណាស់ ជាពិសេសគឺមានមនុស្សដែលយើងចាប់ចិត្ត។
៣. ស្និទ្ធស្នាលឲ្យត្រូវវិធី
ក្នុងលើកជួបដំបូងគឺជៀសមិនផុតទេពីការអៀនប្រៀន ដូចនេះបើភាគីទាំងសងខាងនៅរឹងខ្លួនឆ្កឺតនោះ ការជួបនេះនឹងអត់ជាតិខ្លាំងណាស់។ យើងត្រូវបង្ហាញភាពស្និទ្ធស្នាលតែមិនជ្រុលជ្រួសពេក ដើម្បីកុំឲ្យគេវាយតម្លៃថាជាមនុស្សចិត្តងាយ។
៤. ចេះស្ដាប់
អ្នកដែលពូកែស្ដាប់តែងត្រូវបានគេវាយតម្លៃខ្ពស់។ នៅពេលគេនិយាយរៀបរាប់ពីគេ ចូលផ្ចង់អារម្មណ៍ស្ដាប់ ដើម្បីបង្ហាញថាយើងយកចិត្តទុកដាក់ពីរឿងដែលគេនិយាយ។
៥. បញ្ចេញចរិតពិត
បើគិតថានឹងដើរជាមួយគ្នាយូរអង្វែង គួរតែបង្ហាញពីចរិតពិតរបស់ខ្លួនចេញមក ព្រោះទោះបីជាលាក់ក៏មិនអាចលាក់បានដែរ។
៦. មិនត្អូញត្អែរថ្ងួចថ្ងូរ
តើអ្នកនឹងមានអារម្មណ៍យ៉ាងណាពេលជួបលើកដំបូងហើយត្អូញថាអត់មានលុយហើយចង់ខ្ចីលុយអ្នកនោះ។ មនុស្សមួយចំនួនមានទម្លាប់ត្អូញត្អែរ ទាំងដែលពួកគេគ្មានបំណងអាក្រក់ តែសម្រាប់ការណាត់ដំបូងកុំបញ្ចេញសកម្មភាពនេះចេញអី ៕
ចុចអាន៖
បើគេមិនធ្វើទង្វើ ១០ យ៉ាងនេះទេមានន័យថាគេមិនស្រឡាញ់អ្នកខ្លាំងគ្រប់គ្រាន់ទេ
ដឹងចរិតពិតប្រុសៗ តាមរយៈការប្រាស្រ័យទាក់ទងគ្នារវាងគេនឹងអ្នកដទៃ