រាងស្លីមស្អាតគ្រប់កន្លែងដោយក្បាច់ហាត់ប្រាណនៅផ្ទះងាយៗ
- 2018-09-17 23:25:00
- ចំនួនមតិ 0 | ចំនួនចែករំលែក 0
រាងស្លីមស្អាតគ្រប់កន្លែងដោយក្បាច់ហាត់ប្រាណនៅផ្ទះងាយៗ
រាងស្លីមស្អាត មិនចាំបាច់ត្រូវតែទៅក្លឹបហាត់ប្រាណនោះទេ ឲ្យតែចតាំងចិត្ត ហាត់នៅផ្ទះឲ្យបានទៀងទាត់និងតមអាហារត្រឹមត្រូវ អ្នកនឹងទទួលបានលទ្ធផលជាក់ជាមិនខាន។ លំហាត់ប្រាណខាងក្រោមនេះ មានពីកម្រិតទាបរហូតដល់កម្រិតពិបាក និងត្រូវចំៗកន្លែងដែលចង់ស្រក។ មុនចាប់ផ្តើមត្រូវធ្វើការកម្តៅសាច់ដុំបន្តិចសិន ហើយអ្នកហាត់តាមក្បាច់ទាំងនេះ ពី២-៣ដង ក្នុងមួយសប្តាហ៍។
១. ក្បាច់ជួយសម្រកឲ្យក្បាលពោះរាបស្មើ
កម្រិតទី១៖
ធ្វើបែបនេះឲ្យបាន ១០-១៥ដង បន្ទាប់មកធ្វើការផ្លាស់ប្តូរជើងម្ខាងទៀត។ ធ្វើឲ្យបាន ៣-៥ជុំ។
លើកជើងដាក់ខ្វែងគ្នា ដាក់ដៃផ្គុំនៅទ្រូង ប្រឹងងើបស្មាឡើងឲ្យផុតពីឥដ្ឋ ធ្វើបែបនេះពី ១០-១៥ដង។ ធ្វើឲ្យបាន ៣-៥ជុំ។
កម្រិតទី២៖
ដេកដាក់ខ្នងឲ្យត្រង់ស្មើ ដាក់ដៃរាបស្មើតាមបណ្តោយខ្លួន លើកជើងនិងប្រឹងងើបខ្នងឡើង ទប់២-៣វិនាទីសិន ធ្វើបែបនេះពី ១០-១៥ដង។ ធ្វើឲ្យបាន ៣-៥ជុំ។
កម្រិតទី៣៖
ក្បាច់អាវ៉ង់មិនត្រឹមតែល្អសម្រាប់ក្បាលពោះប៉ុណ្ណោះទេ ថែមទាំងអាចដុតបំផ្លាញជាតិខ្លាញ់ក្នុងរាងកាយទាំងមូល។ ត្រូវធ្វើដូចក្នុងរូបភាពបង្ហាញ ទប់លំនឹងឲ្យជាប់ក្នុងរយៈពេល១នាទី។
២. ក្បាច់ជួយឲ្យគូទងរស្អាត
កម្រិតទី១៖
យកកៅអីដើម្បីជាជំនួយដូចបង្ហាញក្នុងរូប ធ្វើបែបនេះឲ្យបានពី ១០-១៥ ដើម្បីកម្តៅសាច់ដុំជាមុនសិន។
កម្រិតទី២៖
ផ្គុំដៃទាំងពីរចូលគ្នា ភ្នែកសម្លឹងទៅមុខ ធ្វើកាយវិការដូចជាអង្គុយដោយងើបចុះងើបឡើង ឲ្យបាន២០ដង។ សម្រាកបន្តិច ទើបចាប់ផ្តើមធ្វើទៀតឲ្យបាន ៣-៥ជុំ។
កម្រិតទី៣៖
ងើបចុះ ងើបឡើងធ្វើដូចក្នុងរូប ឲ្យបានពី១៥-២០ដង។
៣. ក្បាច់ជួយកម្ចាត់ខ្លាញ់នៅដៃ
កម្រិតទី១៖
បើអ្នកគ្មានឧបករណ៍ទេ អ្នកអាចធ្វើបែបនេះបាន ប្រឹងទប់ហើយទាញឡើងឲ្យបាន១០ដង។
កម្រិតទី២៖
ក្បាច់នេះល្អ សម្រាប់សាច់ដុំដៃ ពោះនិងជើង។ យកដៃច្រតនឹងឥដ្ឋឲ្យបានយ៉ាងហោចណាស់មួយនាទី ហើយត្រូវដាក់ជើងឲ្យត្រង់។
សង្ឃឹមថាទាំងអស់គ្នា ទទួលបានលទ្ធផលល្អ ពីក្បាច់ហាត់ប្រាណទាំងនេះ។
ចុចអានបន្ត៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
