នៅពេលមនុស្សស្រីអស់ចិត្ត នាងនឹងបញ្ចេញសញ្ញាទាំងនេះ

2018-09-17 03:30:33
ចំនួនមតិ 0 | ចំនួនចែករំលែក 0

ពេលមនុស្សស្រីចាប់ផ្ដើមអស់ចិត្ត ឬក៏ឆ្អែតចិត្តខ្លាំងនាងនឹងបញ្ចេញសញ្ញាដូចខាងក្រោមនេះ ហើយនោះជាពេលដែលបញ្ជាក់ថានាងលែងចង់បន្តជាមួយអ្នកទៀតហើយ

១. លែងទាមទារពេលវេលាពីអ្នក

នាងលែងចង់ឲ្យអ្នកនៅក្បែរនាង រឹតតែមិនចង់បានពេលវេលាពីអ្នកដូចមុនទៀតហើយ។ នាងចាប់ផ្ដើមលែងចង់បានការបារម្ភ ការយកចិត្តទុកដាក់ពីអ្នក ហើយក៏លែងឈឺចាប់ទោះបីអ្នកទុកនាងចោល។

រូបតំណាង

**២. លែងប្រចណ្ឌ លែងដេញដោល**

អ្នកធ្វើអីក៏ធ្វើទៅ អ្នកនៅជាមួយអ្នកណាក៏នៅទៅ នាងលែងចង់ដឹងចង់ឮទៀតហើយ រឹតតែមិនខ្វល់ថាអ្នកទៅទាក់ទងស្រីផ្សេងទៀត។ នាងលែងចេះសួរច្រើន លេងចេះប្រចណ្ឌ រឹតតែលែងចេះរករឿង។

៣. មិនចង់និយាយ មិនចង់ឆ្លើយឆ្លង

មួយថ្ងៃមិននិយាយជាមួយអ្នកក៏បាន ឆ្លើយកាន់តែតិចនាងកាន់តែសប្បាយចិត្ត។ នាងនិយាយបែបខ្លីៗ មិនសូវមានពាក្យពីរោះៗ ហើយលេងសារកំបុតៗ។

៤. ចាប់ផ្ដើមមិនពេញចិត្តទម្លាប់មួយចំនួនរបស់អ្នក

នាងកាន់តែទើសភ្នែកនូវទម្លាប់មួយចំនួនរបស់អ្នក ទោះបីពីមុននាងធ្លាប់តែចូលចិត្តក៏ដោយ។ នាងចាប់ផ្ដើមលែងចាប់អារម្មណ៍លើអ្នក ហើយកាន់តែមានចំណុចអាក្រក់របស់អ្នកច្រើនទៅៗ។

រូបតំណាង

៥. លែងសប្បាយចិត្តពេលដែលនៅជាមួយគ្នា

ទោះទៅណាមកណា ក៏នាងលែងមានអារម្មណ៍សប្បាយចិត្ត ក៏នាងលែងរំភើប។ ពេលខ្លះថែមទាំងមិនចង់ទៅណាជាមួយអ្នកទៀតផង ព្រោះអារម្មណ៍ពីមុនបានបាត់បង់អស់តៅហើយ។

៦. នាងពេញចិត្តជីវិតពេលដែលគ្មានអ្នក

នាងចាប់ផ្ដើមពេញចិត្តនៅពេលដែលគ្មានអ្នក ឬក៏សប្បាយនៅពេលនាងនៅជាមួយមិត្តភក្តិនាង ឬក៏អ្នកផ្សេង។ នាងរីករាយជាមួយបរិយាកាសថ្មីៗ មនុស្សថ្មីៗដែលធ្វើឲ្យនាងមានសេរីភាព។