ស្លន់ស្លោដំណឹងកំពូលម៉ូដែលថៃ ផឹកថ្នាំកំចាត់ស្មៅ និងលោតពីលើផ្ទះសម្លាប់ខ្លួន
- 2018-09-13 02:15:22
- ចំនួនមតិ 0 | ចំនួនចែករំលែក 0
ស្លន់ស្លោដំណឹងកំពូលម៉ូដែលថៃ ផឹកថ្នាំកំចាត់ស្មៅ និងលោតពីលើផ្ទះសម្លាប់ខ្លួន
ជាបឋម ប៉ូលិសបានសន្និដ្ឋានថា តារាម៉ូដែលល្បីឈ្មោះថៃ Kay Kanyakorn បានសម្រេចធ្វើអត្តឃាតខ្លួនឯងដោយសារបញ្ហាតឹងតែងនៅក្នុងជីវិតខ្លាំងពេក។
មុននេះបន្តិច បណ្ដាញព័ត៌មាន Sanook របស់ថៃបានឲ្យដឹងថា កាលពីថ្ងៃទី៨ ខែកញ្ញាកន្លងទៅនេះ ប៉ូលិសខណ្ឌ Chok Chai ខេត្ត Nakhon Ratchasima បានទទួលបានដំណឹងមានករណីសម្លាប់ខ្លួនមួយនៅភូមិគ្រឹះ៣ជាន់មួយនៅក្នុងតំបន់។ តាមការស្រាវជ្រាវ ជនរងគ្រោះគឺនាង Kay Kanyakorn វ័យ៣០ឆ្នាំ ជាម៉ូដែលល្បីឈ្មោះម្នាក់របស់ថៃ។ មុននោះនាងបានជាប់លេខ២ក្នុងការប្រកួតជ្រើសរើសតារាម៉ូដែលក្នុងកម្មវិធី Thailand’s Next Top Model។
នៅកន្លែងកើតហេតុ គេប្រទះឃើញមានកំប៉ុងថ្នាំកំចាត់ស្មៅបើកចោលនៅក្នុងបន្ទប់ទឹក ដូចនេះប៉ូលិសបានសន្និដ្ឋានថា មុនពេលលោតសម្លាប់ខ្លួននាងបានផឹកថ្នាំនេះហើយ។ មិត្តភ័ក្ដិជិតស្និទ្ធិរបស់តារារូបនេះបានឲ្យដឹងថា មុនពេលស្លាប់នាងបញ្ហាច្រើនពាក់ព័ន្ធនឹងរឿងរកស៊ី និងរឿងប្ដឹងផ្ដល់គ្នារឿងទីផ្សារស្ដុក។ យ៉ាងណាក្ដី ប៉ូលិសនៅតែស្រាវជ្រាវដើមទងនៃការស្លាប់របស់នាងនៅឡើយ៕
ចុចអាន៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
