បើមិនចង់ឲ្យកូនកើតមកមិនគ្រប់ដៃជើង ហាមមានផ្ទៃពោះនៅពេលទាំងនេះដាច់ខាត

2018-09-10 07:37:36
ចំនួនមតិ 0 | ចំនួនចែករំលែក 0

អ្នកម្ដាយរូបណាក៏ចង់ឲ្យកូនកើតមកស្អាត និងមានសុខភាពល្អដូចគេឯងដែរ។ ដូច្នេះហើយ បើអ្នកកំពុងស្ថិតក្នុងដំណាក់កាលខាងក្រោម សូមកុំបណ្ដោយឲ្យមានកូនឲ្យសោះ។

ពេលទើបតែកើតកូនមិនគ្រប់ខែ ឬរលូតកូន

មនុស្សស្រីក្រោយពេលឆ្លងកាត់ការរលូតកូន ស្បូននឹងរងរបួសយ៉ាងធ្ងន់ធ្ងរ។ បើមានកូនទាល់ទៅទៀត កូនអាចកើតមកមិនគ្រប់ ឬបន្តរលូតទៀត។ ដូចនេះត្រូវទុកយ៉ាងតិចបំផុតកន្លះឆ្នាំទើបអាចមានកូនតទៀត។

ពេលម្ដាយកំពុងខ្វះជីវជាតិ

ប្រសិនបើអ្នកម្ដាយកំពុងខ្វះជីវជាតិ នោះទារកក្នុងផ្ទៃក៏នឹងមិនត្រូវបានផ្គត់ផ្គង់ជីវជាតិដូចគ្នា។ កូនក្នុងផ្ទៃនឹងពិបាកលូតលាស់ខ្លាំង អាចនាំឲ្យមានគ្រោះថ្នាក់ទាំងទារក និងម្ដាយ។

ក្រោយពេលទើបតែឈប់ប្រើថ្នាំពន្យារកំណើត

យ៉ាងហោចបំផុត ត្រូវឈប់ប្រើថ្នាំពន្យារកំណើត៣ខែមុនពេលយកកូន បើមិនដូច្នេះទេឥទ្ធិពលនៃថ្នាំនឹងជះឥទ្ធិពលដល់កូនក្នុងផ្ទៃ។

ពេលម្ដាយកំពុងជក់បារី និងសេពសុរា

នីកូទីនក្នុងបារី និងអេតាណុលក្នុងស្រាអាចធ្វើឲ្យប៉ះពាល់ដល់ស៊ុតក៏ដូចជាមេជីវិតបាន។ មនុស្សស្រីដែលជក់បារី និងផឹកស្រាត្រូវផ្ដាច់យ៉ាងហោច៣ខែមុនពេលទុកកូន៕