Song Hye Kyo បង្អួតនាឡិកាគូជាមួយប្ដីតម្លៃ១ម៉ឺន៥ពាន់ដុល្លារក្នុងកម្មវិធីថ្មី

2018-09-01 04:30:20
ចំនួនមតិ 0 | ចំនួនចែករំលែក 0

បង្ហាញខ្លួនក្នុងកម្មវិធីថ្មី តារាសម្ដែងស្រីកូរ៉េល្បីឈ្មោះ Song Hye Kyo មិនត្រឹមតែបង្អួតសម្រស់មិនចេះចាស់របស់ខ្លួនទេ ថែមទាំងបានអួតនាឡិកាគូជាមួយប្ដីរបស់ខ្លួនទៀតផង។ ក្រោយពេលបង្កការចាប់អារម្មណ៍ជាខ្លាំងនៅព្រលានយន្តហោះកូរ៉េមុននេះនោះ កាលពីយប់ថ្ងៃទី២៩ខែសីហានេះ តារាសម្ដែងស្រីលំដាប់ A កូរ៉េ Song Hye Kyo បានមានវត្តមាននៅទីក្រុងហុងកុងដើម្បីចូលរួមក្នុងកម្មវិធីរបស់ម៉ាកគ្រឿងសំអាងមួយដែលនាងជាអ្នកតំណាង។

ខុសពីរូបភាពនៅព្រលានយន្តហោះដែលស្រីស្អាតវ័យ៣៦ឆ្នាំមានសក់ខ្លីនោះ នៅក្នុងកម្មវិធីនេះ ប្រពន្ធរបស់តារាសម្ដែង Song Joong Ki បានតសក់ហើយមានសក់វែងត្រឹមស្មាវិញ។ អ្វីដែលធ្វើឲ្យគេចាប់អារម្មណ៍មួយទៀតនោះគឺ តួរឿង “បំណុលផ្ទះជំពាក់ស្នេហ៍” បានពាក់នាឡិកា Cartier តម្លៃ១៥០០០ដុល្លារដែលជានាឡិកាគូជាមួយប្ដីរបស់ខ្លួននៅក្នុងកម្មវិធីនេះ។ គួរបញ្ជាក់ផងដែរថា នេះមិនមែនជានាឡិកាគូតែមួយគត់របស់គូស្នេហ៍មានឥទ្ធិពលឡើយ ត្បិតមុននោះពួកគេក៏បានពាក់នាឡិកាគូរបស់ម៉ាក IWC តម្លៃ៧ពាន់ដុល្លារផងដែរ៕