មិនមានពេលបំបៅដោះកូន អ្នកម្ដាយគួរដឹងវិធីថែរក្សាទឹកដោះដែលបូមទុក
- 2018-08-31 06:57:14
- ចំនួនមតិ 0 | ចំនួនចែករំលែក 0
មិនមានពេលបំបៅដោះកូន អ្នកម្ដាយគួរដឹងវិធីថែរក្សាទឹកដោះដែលបូមទុក
អ្នកម្ដាយដែលត្រូវចេញទៅរកស៊ី ឬធ្វើការក្រៅផ្ទះ មិនបាននៅស្ថិតស្ថេរបំបៅដោះកូនតូចបាន ត្រូវជ្រើសរើសវិធីច្របាច់ទឹកដោះទុកឱ្យកូនមឹមនៅផ្ទះ។ ប៉ុន្តែមិនមែនគ្រាន់តែច្របាច់ទុកហើយ អាចឱ្យកូនមឹមយ៉ាងមានសុវត្ថិភាពទេ។ ថ្ងៃនេះ កញ្ញានឹងបង្ហាញវិធីសាស្ត្រសំខាន់ៗដែលអ្នកម្ដាយគួរយកចិត្តទុកដាក់ដោយយោងតាមការចុះផ្សាយរបស់វិបសាយ health.com.kh ទើបកូនមិនងាយឈឺ ហើយមានសុខភាពល្អដូចមឹមពីដោះម្ដាយផ្ទាល់៖
១. រក្សាទុកទឹកដោះម្ដាយដែលច្របាច់រួចក្នុងដបដែលមានសុវត្ថិភាព គឺប្រភេទដបដែលធ្វើពីកញ្ចក់ ឬប្លាស្ទិករឹង ឬផលិតពី PPSU កម្រិតខ្ពស់បំផុត មានប្រព័ន្ធខ្យល់ការពារមិនឱ្យហើមពោះកូន ហើយមានគម្របបិទជិតល្អ។
ក្រៅពីនេះ អ្នកម្ដាយក៏អាចប្រើថង់ប្លាស្ទិកដែលផលិតឡើងសម្រាប់រក្សាទឹកដោះម្ដាយបានដែរ គ្រាន់តែវាមិនសូវធន់ដូចប្រើដប។ ចំណុចគួរចៀសវាងគឺ កុំប្រើដបណាដែលមានខ្យល់ចេញចូលបាន។
២. ផ្ទុកទឹកដោះម្ដាយក្នុងដបដោយបរិមាណល្មមសម្រាប់កូនតូចបៅម្ដង។ បានន័យថា ពេលបៅរួច មិនអាចយកទៅក្លាសេទុកសម្រាប់បៅលើកទី២បានទេ។
៣. ត្រូវប្រញាប់យកទៅរក្សាទុកក្នុងទូរទឹកកក ឬធុងក្លាសេបន្ទាប់ពីបូមរួចភ្លាម៕