បើចង់ឲ្យកូនៗរៀនពូកែ គួរបង្ហាត់ឬណែនាំកូនឲ្យធ្វើរឿងមួយនេះ
- 2018-08-27 03:13:23
- ចំនួនមតិ 0 | ចំនួនចែករំលែក 0
បើចង់ឲ្យកូនៗរៀនពូកែ គួរបង្ហាត់ឬណែនាំកូនឲ្យធ្វើរឿងមួយនេះ
ការសិក្សាមួយបង្ហាញថាកុមារដែលធ្វើចលនា ឬហាត់ប្រាណច្រើននឹងជួយឲ្យខួរក្បាលរបស់ពួកគេដំណើរការបានល្អ ពោលគឺអាចធ្វើឲ្យខួរក្បាលកុមារមានការវិវត្តល្អ និងជួយដល់ការសិក្សារៀនសូត្របានល្អទៀតផង។
ក្រុមអ្នកស្រាវជ្រាវពីសាកលវិទ្យាល័យ University of Granada របស់ប្រទេសអេស្បាញរកឃើញថាកុមារដែលមានរាងកាយមាំមួនបានធ្វើឲ្យខួរក្បាលរបស់ពួកគេដំណើរការបានល្អ ជាងកុមារដែលមានរាងកាយធាត់ធំខុសធម្មតា ទាំងផ្នែកបញ្ញាស្មារតី និងការសិក្សា ជាដើម។
ការស្រាវជ្រាវរកឃើញថាលំហាត់ប្រាណជួយឲ្យខួរក្បាលវិវត្តល្អដែលអំណោយផលដល់ការអាន និងការនិយាយបស់កុមារ។ ដោយការធ្វើលំហាត់ប្រាណមានប្រយោជន៍សម្រាប់កុមារទើបក្រុមអ្នកស្រាវជ្រាវបានជំរុញឲ្យអ្នកធ្វើគោលនយោបាយដាក់ឲ្យអនុវត្តនូវអ្វីដែលពួកគេបានរកឃើញនេះនៅតាមសាលា និងអប់រំកូនសិស្សអំពីការធ្វើលំហាត់ប្រាណ។
គួរបញ្ជាក់ថាកុមារដែលធាត់លើសទម្ងន់មានតែ៣២លាននាក់ប៉ុណ្ណោះនៅលើពិភពលោកកាលពីឆ្នាំ១៩៩០ តែចំនួននេះ បានកើនដល់៤១លាននាក់នៅឆ្នាំ២០១៦ ដោយហេតុតែមានការប្រែប្រួលនៃរបបអាហារ និងការរស់នៅជាដើម៕
ចុចអាន៖អាហារដែលអ្នកមានផ្ទៃពោះគួរញ៉ាំ ដើម្បីឲ្យកូនកើតមកមានស្បែកសបែបស៊ីជម្ពូ