ហេតុផល ៣យ៉ាង ធ្វើឲ្យមនុស្សស្រីបាត់ភាពទាក់ទាញក្នុងក្រសែភ្នែកមនុស្សប្រុស

2018-08-25 05:51:29
ចំនួនមតិ 0 | ចំនួនចែករំលែក 0

មានទម្លាប់មួយចំនួនគឺទុកដឹងតែខាត តែបើដកចេញគឺដឹងតែចំណេញតែម្ដង។ ទម្លាប់ទាំងនេះ យើងមើលមិនដឹងខ្លួនឯងឡើយ ដូចនេះនៅតែបន្តធ្វើរហូត តែក្នុងភ្នែកអ្នកដទៃ វាធ្វើឲ្យយើងបាត់បង់ភាពទាក់ទាញ។ ខាងក្រោមនេះ គឺជាទង្វើមួយចំនួនធ្វើឲ្យមនុស្សស្រីបាត់បង់ភាពទាក់ទាញក្នុងភ្នែកអ្នកដទៃ ជាពិសេសគឺមនុស្សប្រុស។

១. និយាយស្ដីអត់អំណោយទាន

មនុស្សស្រីមួយចំនួនគឺស្អាតខ្លាំងណាស់ តែនៅពេលនាងចាប់ផ្ដើមនិយាយភ្លាម គឺធ្វើឲ្យគេចង់រត់មួយគីឡូដីភ្លែត។ មនុស្សស្រីនិយាយស្ដីអត់អំណោយទាន គឺជាប្រភេទមនុស្សស្រីដែលប្រុសៗខ្លាចបំផុត ទោះបីជានាងស្អាតយ៉ាងណាក៏ដោយ។ អ្នកដែលនិយាយស្ដីអអាភាស ឡូឡាក៏ស្ថិតក្នុងចំណោមនេះដែរ។

២. ធ្វើខ្លួនគ្មានកម្លាំងកំហែង

ដើម្បីទាក់ទាញចំណាប់អារម្មណ៍ មនុស្សស្រីមួយចំនួន ខំធ្វើខ្លួនទន់ខ្សោយ ទាំងដែលខ្លួនមានកម្លាំងមាំមួនល្អសោះ។ ពេលខ្លះនាងធ្វើខ្លួនល្ហិតល្ហៃជ្រុល ដូចមនុស្សជិតស្លាប់។ មិនថាតែមនុស្សប្រុសឡើយ អ្នកណាក៏ចង់ជៀសឆ្ងាយពីមនុស្សស្រីប្រភេទនេះដែរ។

៣. គ្មានចំណេះដឹងពីចំណង់ចំណូលចិត្តបុរស

ទោះបីជាកីឡាប្រដាល់ ឬបាល់ទាត់មិនមែនជាចំណូលចិត្តរបស់យើងមែនពិត ក៏យ៉ាងហោចណាស់ក៏យើងមានចំណេះដឹងពីវាបន្តិចដែរ ដើម្បីធ្វើឲ្យកិច្ចសន្ទនារបស់អ្នកទាំង២រលូនទៅមុខ។ គួរបំប៉ន ចំណេះដឹងឲ្យខ្លួនឲ្យបានច្រើន ដើម្បីកុំឲ្យការនិយាយគ្នារបស់អ្នកទាំងពីរមិនរអាក់រអួល៕