ថ្មីចែស! ចង់តែងខ្លួនជាស្នំឯក តែខ្វះថវិកា ស្រីៗចិនពាក់របស់នេះឡើងលើក្បាល
- 2018-08-21 02:50:05
- ចំនួនមតិ 0 | ចំនួនចែករំលែក 0
ថ្មីចែស! ចង់តែងខ្លួនជាស្នំឯក តែខ្វះថវិកា ស្រីៗចិនពាក់របស់នេះឡើងលើក្បាល
ដោយសារតែស្រលាញ់តួអង្គក្នុងរឿងបុរាណខ្លាំងពេក ហើយចង់តែងខ្លួនដូចពួកគេ តែខ្វះខាតធនធាន មិត្តៗនារីចិនបានច្នៃវត្ថុនេះមកពាក់ដើម្បីធ្វើស្នំ។
នៅចិនដីគោក ព្រមទាំងប្រទេសជិតខាងមួយចំនួន កំពូលខ្សែភាពយន្តភាគបុរាណ “Story of Yanxi Palace” កំពុងជាភាពយន្តដែលទទួលការចាប់អារម្មណ៍បំផុត ដោយមុននេះបន្តិច ភ្នាក់ងារចែកចាយរឿងផ្លូវការ iQiyi បានប្រកាសថា ក្រោយពេលចាក់ផ្សាយបានពាក់កណ្ដាលរឿង ស្នាដៃមួយនេះទទួលបានចំនួនទស្សនា៦ពាន់លានដងហើយ។
ក្រៅពីជក់ចិត្តនឹងសាច់រឿងនោះ ទស្សនិកជនស្រីៗក៏ចង់តែងខ្លួនដូចនៅក្នុងរឿងដូចជា ស្នំឯក និងម្ចាស់ក្សត្រីជាដើម។ យ៉ាងណាក្ដី ដើម្បីតែងដូចនេះ គឺត្រូវការធនធាន និងថវិកាច្រើន។ អាស្រ័យហេតុនេះ ដើម្បីកុំឲ្យចំណាយច្រើន ពួកគេបានច្នៃស្បែកជើងដែលមានផ្កានៅកណ្ដាលនោះ យកមកពាក់លើក្បាលដើម្បីធ្វើជាមួក។ ដើម្បីឲ្យមើលទៅស្រស់ស្អាត និងច្នៃប្រឌិតជាងមុន ពួកគេបានបន្ថែមគ្រឿងតុបតែងដូជាបន្លែសាឡាត់ និងសណ្ដែកកួរ ផ្កាខាត់ណា ផ្លែមៀន អាវទ្រនាប់ជាដើមឲ្យមើលទៅទាក់ទាញជាងមុន៕