បុរសមានទ្រព្យនិងជោគជ័យនឹងសម្លឹងរកមនុស្សស្រីមាន ៧ចំណុចនេះជាភរិយា

2018-08-17 10:24:18
ចំនួនមតិ 0 | ចំនួនចែករំលែក 0

តើអ្នកដែលស្រមៃថាចង់រៀបការជាមួយបុរសល្អជោគជ័យក្នុងជីវិតទេ? មុននឹងអ្នកស្រមៃក៏អ្នកត្រូវសួរខ្លួនឯងថាតើសាកសមនឹងបុរសបែបនោះហើយឬនៅ? ទាំងនេះជាអ្វីដែលអ្នកត្រូវមានក្នុងនាមជាដៃគូរបស់ម្នាក់និងជាប្រពន្ធដ៏ល្អ៖

១. យល់មុខប្ដី

ត្រឹមត្រូវហើយដែលថានៅក្នុងផ្ទះអ្នកអាចជាមេគ្រួសារ ប៉ុន្តែអ្នកកុំភ្លេចថាកិត្តិយសនិងមុខមាត់គឺសំខាន់ណាស់សម្រាប់មនុស្សប្រុសគ្រប់រូបជាពិសេសបុរសដែលជោគជ័យទាំងការរកស៊ីនិងការងារ។ ទោះបីជាគាត់និយាយមិនត្រូវយ៉ាងណា ឬអ្នកចង់រករឿងគាត់យ៉ាងណាក៏ដោយក៏ត្រូវដឹងពីកាលៈទេសៈដែរ។

២. ចេះទុកដាក់និងចាយលុយឱ្យត្រូវខ្ទង់

អ្នកណាៗក៏ចេះចាយលុយដែរ គ្រាន់តែរបៀបចាយនោះគឺខុសគ្នា។ អ្វីដែលមនុស្សប្រុសម្នាក់ត្រូវការគឺនារីដែលចេះធ្វើម្ហូបមិនមែននារីចេះមើលមុខម្ហូបតាមហាងនោះទេ។ អ្នកមិនចាំបាច់ទុកដាក់លុយគ្រប់យ៉ាងទេត្រឹមតែចំណូលនិងចំណាយនៅក្នុងផ្ទះគឺគ្រប់គ្រាន់ហើយ។ គ្មានអ្នកណាសរសើរនៅពេលដែលអ្នកចំណាយលុយមិនចេះគិតទេជាពិសេសប្ដីរបស់អ្នក។

៣. ស្អាតជានិច្ច

វាជារឿងងាយស្រួល ប៉ុន្តែមិនមែនស្រីៗគ្រប់រូបសុទ្ធតែធ្វើបានទេ។ ស្រីៗខ្លះមើលរំលងការតែងខ្លួនក៏ព្រោះតែការប្រញាប់ប្រញាល់ ឬគិតថានៅជាមួយគ្នារាល់ថ្ងៃហើយមិនចាំបាច់តែងខ្លួនទេ។ បើអ្នកមិនរៀបចំខ្លួនឱ្យបានរៀបរយទេកុំឆ្ងល់ថាហេតុអីប្ដីអ្នកមានស្រី។

៤. អនាម័យ និងរៀបចំផ្ទះ

នេះក៏ជាចំណុចសំខាន់ដែលស្រ្តីគ្រប់រូបមិនត្រូវមិនរំលងដែរ។ នៅពេលដែលស្វាមីអ្នកមកពីធ្វើការហត់ហើយគ្មានអារម្មណ៍ស្រស់ស្រាយដោយសារតែភាពកង្វក់នៅក្នុងផ្ទះទៀតនោះវាមិនមែនជារឿងល្អទេ។

៥. គាំទ្រប្ដីទោះបីជាបរាជ័យ

ដូចពាក្យចាស់ពោលថា ដឹងពីចិត្តមនុស្សនៅពេលក្រខ្សត់។ បើសិនជាពេលគាត់លំបាកគ្មានវត្តមានអ្នក នោះពេលសោយសុខក៏គ្មានវត្តមានអ្នកដូចគ្នា។ អ្វីដែលសំខាន់នោះគឺការលើកទឹកចិត្តនៅពេលគាត់ដួល នោះវានឹងមានន័យបំផុតសម្រាប់ជីវិតអ្នកទាំងពីរ។

៦. សួរសុខទុក្ខឪពុកម្តាយក្មេកឱ្យបានញឹកញាប់

វាជារឿងធម្មតាទេដែលស្រលាញ់គាត់ត្រូវស្រលាញ់ឪពុកម្តាយគាត់ព្រោះអ្នកក៏ចង់បានបែបនេះដូចគ្នា។ ការយកចិត្តទុកដាក់លើគាត់តែម្នាក់មិនអាចគ្រប់គ្រាន់ទេប្រសិនបើអ្នកចង់ធ្វើជាប្រពន្ធដ៏ល្អម្នាក់។