កុំកុំ បកស្រាយពេលត្រូវប្រៀបធៀប ថាទទួលបានតម្លៃខ្លួនរាប់សិបលានដុល្លារដូច Fan Bingbing
- 2018-08-15 02:46:59
- ចំនួនមតិ 0 | ចំនួនចែករំលែក 0
កុំកុំ បកស្រាយពេលត្រូវប្រៀបធៀប ថាទទួលបានតម្លៃខ្លួនរាប់សិបលានដុល្លារដូច Fan Bingbing
កំពូលតារាសម្ដែងប្រុស Donnie Yen ព្រមទាំងតារាជួរមុខចិនជាច្រើនទៀតត្រូវបានគេគាស់កកាយ ក្រោយពេលរឿងរ៉ាវគេចពន្ធរបស់តារាសម្ដែងស្រី Fan Bingbing ត្រូវបានគេចាប់ខ្លួន។
កាលពីល្ងាចថ្ងៃទី១២ ខែសីហាកន្លងទៅនេះ តារាសម្ដែងប្រុសជើងចាស់ Donnie Yen ព្រមទាំងភរិយាបានចូលរួមក្នុងកម្មវិធីមួយនៅតៃវ៉ាន់។ មានវត្តមាននៅទីនេះ កុំកុំត្រូវបានអ្នកកាសែតជីកសួររឿងមានតម្លៃខ្លួនខ្ពស់ជាងគេនៅក្នុងវិស័យភាពយន្តនៅពេលនេះ ដោយក្នុង១រឿង ស៊ីសុទ្ធតែជាង១០លានដុល្លារ។ ជាក់ស្ដែង ក្នុងភាពយន្ត “Ip Man 4” ខាងមុខ លោកទទួលបានដល់ទៅ១២លានដុល្លារក្នុងតំណែងតួឯក។
នៅពេលត្រូវបណ្ដាញព័ត៌មាន ប្រៀបធៀបជាមួយតារាសម្ដែងស្រី Fan Bingbing ដែលកំពុងត្រូវគេឃាត់ខ្លួនដោយសារគេចពន្ធនោះ តារាវ័យ៥៥ឆ្នាំ បានបកស្រាយថា រាល់តម្លៃខ្លួនរបស់លោកទាំងអស់គឺតែងទម្លាយជាសាធារណៈ មិនបានលាក់លៀមនោះឡើយ។ បន្ថែមពីនេះ ខុសពីមិត្តរួមការងារ ដែលទទួលលុយរាប់លានដុល្លារតែសម្ដែងតែប៉ុន្មានថ្ងៃនោះ គឺលោកទទួលបានច្រើនមែនតែត្រូវចំណាយពេលដល់ទៅជិត១ឆ្នាំ មិនមែនងាយយកលុយនោះឡើយ៕