កុំស្រឡាញ់មនុស្សប្រុស៨ប្រភេទនេះ ព្រោះគ្មានបានអីក្រៅពីឈឺចាប់ទេ

2018-08-14 00:30:00
ចំនួនមតិ 0 | ចំនួនចែករំលែក 0

ជ្រើសរើសមនុស្សប្រុសខុសម្នាក់ គឺជាកំហុសមួយរបស់មនុស្សស្រី ព្រោះអ្វីដែលនាងទទួលបានគឺមានតែរឿងឈឺចាប់មិនចេះចប់មិនចេះហើយ។ បែបនេះហើយមុនដាក់ចិត្តទទួល ឬស្រឡាញ់អ្នកណាម្នាក់អ្នកគួរតែមើលឲ្យមែនទែន ព្រោះអ្នកអាចនឹងស្ដាយក្រោយបាន។ បើអាចចៀសបានអ្នកគួរតែចៀសពីមនុស្សប្រុសដូចខាងក្រោមនេះ ព្រោះក្រៅពីឲ្យអ្នកពិបាកចិត្ត វាគ្មានបានអីមកវិញទេ ៖

១. មនុស្សប្រុសដែលឲ្យអ្នករត់តាមគេគ្រប់រឿង ទាំងគេមិនដែលគិតពីអារម្មណ៍អ្នក ថាអ្នកហត់ប៉ុណ្ណា។

២. មនុស្សប្រុសដែលតាំងខ្លួនមិនចេះខុស ហើយទោះខុសក៏នៅតែធ្វើខ្លាំង និងចង់ឈ្នះអ្នកគ្រប់ពេល។

៣. មនុស្សប្រុសដែលចាត់ទុកអ្នកដូចតុក្កតា ចង់មកក៏មក ចង់ទៅក៏ទៅ។ នឹកឃើញក៏ល្អជាមួយអ្នក មិននឹកឃើញក៏ទុកអ្នកចោល។

៤. មនុស្សប្រុសចេះតែសន្យា តែមិនដែលឃើញធ្វើអីឲ្យបានសោះ និយាយរួមមនុស្សសន្យាខ្យល់។

៥. មនុស្សប្រុសដែលបែកអ្នកដើម្បីអ្នកផ្សេង ហើយរត់មករកអ្នកវិញពេលគេបោះបង់ចោល។

៦. មនុស្សប្រុសដែលមិនដែលក្បែរអ្នកសោះពេលអ្នកត្រូវការគេ ហើយមករកអ្នកតែពេលគេត្រូវការអ្នក។

៧. មនុស្សប្រុសដែលចូលចិត្តធ្វើឲ្យអ្នកយំ ច្រើនជាងសើច ទាំងអ្នកវិញមិនដែលចង់ឃើញគេពិបាក។

៨. មនុស្សប្រុសដែលទាមទារឲ្យអ្នកធ្វើនេះធ្វើនោះ ទាំងគេវិញមិនដែលលះបង់អ្វីសោះដើម្បីអ្នក ៕

ពេលវេលាមួយជីវិតនេះមិនច្រើនទេ ធ្មេចបើកៗពេលវេលា ១០ឆ្នាំក៏កន្លងហួសទៅយ៉ាងលឿនបំផុត។ បើក្នុងឆាកជីវិតនេះអ្នកចំណាយពេលនៅជាមួយមនុស្សខុសនោះ ជីវិតនេះសោះកក្រោះពេកហើយ៕

ចុចអាន៖៦ចំណុចមនុស្សស្រីអាចសង្កេតលើមនុស្សប្រុសដែលគួររៀបការជាមួយបាន

អត្ថបទ៖ ផេង ផលធិតា