កំពូលតារាសម្ដែងហុងកុង Kevin Cheng រៀបការជាមួយមិត្តស្រីអាយុប្អូន ២២ឆ្នាំ
- 2018-08-13 06:54:25
- ចំនួនមតិ 0 | ចំនួនចែករំលែក 0
កំពូលតារាសម្ដែងហុងកុង Kevin Cheng រៀបការជាមួយមិត្តស្រីអាយុប្អូន ២២ឆ្នាំ
មង្គលការរបស់តារាសម្ដែងប្រុសជួរមុខហុងកុង Kevin Cheng និងមិត្តស្រីអាយុស្មើកូននោះ ត្រូវបានប្រព្រឹត្តឡើងនៅលើកោះបាលី ប្រទេសឥណ្ឌូណេស៊ី។
បណ្ដាញព័ត៌មាន Sina បានរាយការណ៍ថា កាលពីថ្ងៃទី១២ ខែសីហាកន្លងទៅនេះ ពិធីរៀបអាពាហ៍ពិពាហ៍របស់តារាប្រុសជើងចាស់ហុងកុង Kevin Cheng និងមិត្តស្រីតារាសម្ដែង Grace Chan ត្រូវបានធ្វើឡើងយ៉ាងរ៉ូមេនទិកនៅលើកោះបាលី ប្រទេសឥណ្ឌូណេស៊ី។ នៅក្នុងពិធីនេះ ប្រុសស្អាតវ័យ៤៩ឆ្នាំ បានឡើងរាំជាមួយកូនក្រមុំវ័យ២៦ឆ្នាំ នៅចំពោះមុខភ្ញៀវកិត្តិយសទាំងឡាយ។
ប្រភពពី HKChannel បានទម្លាយថា Grace Chan ត្រូវរៀបការដោយប្រញាប់ប្រញាល់ដោយសារកំពុងតែមានផ្ទៃពោះនៅសប្ដាហ៍ទី៦ហើយ បើទុកយូរទៀត ពោះនឹងធំស្លៀករ៉ូបលែងស្អាត។ និយាយពីប្រវត្តិស្នេហារបស់អ្នកទាំងវិញ គឺចាប់ផ្ដើមនៅឆ្នាំ២០១៥។ ទោះបីជាមានអាយុខុសគ្នាដល់ទៅ២ជួរក៏ដោយ ក៏មិនអាចហាមឃាត់ពួកគេមិនឲ្យរៀបការនឹងគ្នាបានឡើយ៕