រឿងថ្មីកំពុងល្បីផ្ទុះមែនពិត តែតម្លៃខ្លួនរបស់ Charmaine Sheh ទាបមិនគួរឲ្យជឿ
- 2018-08-13 02:13:41
- ចំនួនមតិ 0 | ចំនួនចែករំលែក 0
រឿងថ្មីកំពុងល្បីផ្ទុះមែនពិត តែតម្លៃខ្លួនរបស់ Charmaine Sheh ទាបមិនគួរឲ្យជឿ
ទោះបីជាលុយបោះទុនចូលកំពូលខ្សែភាពយន្តភាគ “The Story Yanxi Palace” បានឡើងដល់រាប់សិបលានក៏ដោយ តែតម្លៃខ្លួនដែលតួឯកទទួលបានគឺទាបមិនគួរឲ្យជឿ។
កាលពីថ្ងៃទី៨ ខែសីហាកន្លងទៅនេះ បណ្ដាញព័ត៌មាន QQ បានឲ្យដឹងថា ផលិតករ Yu Zheng ថ្មីៗនេះ បានរាយករណ៍ពីតួលេខពិសេសៗ ពីខ្សែភាពយន្តភាគ “The Story of Yanxi Palace” ដែលកំពុងល្បីកក្រើកនៅចិន និងបណ្ដាប្រទេសអាស៊ីមួយចំនួន។ តាមនោះដែរ ចំនួនថវិការសរុបសម្រាប់គម្រោងរឿងភាគនេះគឺ៣០០លានយាន់ (៤៤លានដុល្លារ)។ នេះអាចចាត់ទុកថាជាគម្រោងដែលមានការបោះទុនធំមួយ។
យ៉ាងណាក្ដី ថវិការសម្រាប់តួឯកទាំងអស់នៃរឿងគឺត្រឹមតែ២៤លានយាន់ (៣.៥លានយាន់) តែប៉ុណ្ណោះ ឲ្យតួប្រមាណ១០រូប គឺស្មើនឹង៨%នៃលុយសរុប។ ផលិតករឆ្នើមរូបនេះបកស្រាយថា៖ “ដោយសារតែឃើញថា ថវិការបោះទុនធំ ទើបខ្ញុំហ៊ានអញ្ជើញសុទ្ធតែតារាសម្ដែងជួរមុខដូចជា Qin Lan, Charmaine Sheh និង Ni Yuan ជាដើម។ តែក្រោយមកទើបខ្ញុំភ្ញាក់ព្រើតពេលដឹងថា លុយសម្លៀកបំពាក់ គ្រឿងអលង្ការ និងគ្រឿងដើម្បីថតរឿងបានចាយលុយស្ទើតែអស់ទៅហើយ។ ចុងបញ្ចប់នៅសល់តែ៣.៥លានដុល្លារសម្រាប់តួឯក”។
យោងតាមការបកស្រាយខាងលើ តអង្គឯកក្នុងរឿងនេះ ទទួលបានតម្លៃខ្លួនទាបយ៉ាងខ្លាំង បើធៀបនឹងរឿងដទៃ ដែលជោគជ័យមិនស្មើរឿងនេះ។ បើគិតជាមធ្យម តួអង្គឯកមួយរូប ទទួលបានតម្លៃខ្លួនត្រឹម៣០ម៉ឺនដុល្លារតែប៉ុណ្ណោះ ដែលខុសពី តួឯករឿងភាគផ្សេងៗដទៃទៀតដូចជា Fan Bingbing, Sun Liនិង Zhao Wei ដែលសុទ្ធតែទទួលបានយ៉ាងតិចពី៥ ទៅជាង១០លានដុល្លារសម្រាប់រឿងភាគ១។
យ៉ាងណាក្ដី តារាស្រីជួរមុខហុងកុង Charmaine Sheh បានឲ្យដឹងថា ពេលទទួលថតរឿងនេះ នាងមិនផ្ដោតសំខាន់លើតម្លៃខ្លួនឡើយ តែទទួលថតដោយសារតែសាច់រឿងល្អខ្លាំងពេក៕
ចុចអានបន្ត៖