កើតសង្វារខូចស្បែកពោះ ពេលមុន និងក្រោយសម្រាល ស្រីៗគួរកែខៃបែបណា?
- 2018-08-10 05:15:00
- ចំនួនមតិ 0 | ចំនួនចែករំលែក 0
កើតសង្វារខូចស្បែកពោះ ពេលមុន និងក្រោយសម្រាល ស្រីៗគួរកែខៃបែបណា?
បើអ្នកកំពុងមិនសប្បាយចិត្តជាមួយស្នាមសង្វារលើពោះក្រោយពេលសម្រាលកូនរួច ពេលនេះកុំបារម្ភទៀតអី ព្រោះមានវិធីធ្វើប្រេងលាបដើម្បីបំបាត់ស្នាមទាំងនោះបាន ហើយចំណាយអស់តិចបំផុត។ គ្រឿងផ្សំដែលអ្នកត្រូវការ គឺមានតែ ប្រេងដូង ប្រទាលកន្ទុយក្រពើ ឆ្នាំងអ៊ីណុក និងក្រឡមួយប៉ុណ្ណោះ។
សម្រាប់វិធីធ្វើ គ្រាន់តែដាំប្រេងដូងក្នុងឆ្នាំងលើភ្លើងហឹមៗ ហើយយកប្រទាលកន្ទុយក្រពើចិតសំបកក៏បាន មិនចិតក៏បាន កាត់ជាដុំៗចាក់ចូលកូរជាមួយប្រេងដូងរហូតទន់ស្លោក សឹមទុកឱ្យត្រជាក់ចាក់ចូលក្រឡឬកែវទុក។
យកប្រេងដែលលាយរួចមកលាបលើកន្លែងដែលមានសង្វារមុនចូលគេង ទុកចោលមួយយប់ លាងសម្អាតនៅពេលព្រឹក។ ធ្វើបែបនេះជាប្រចាំរយៈពេល១ខែជាប់គ្នា អ្នកនឹងសង្កេតឃើញស្នាមទាំងនោះរលាយបាត់អស់មិនខាន។
ប៉ុន្តែបើអ្នកមិនចង់ពិបាកធ្វើ ឬត្រូវរវល់ការងារច្រើន មិនមានពេលធ្វើ អាចជ្រើសរើសយក Bio Oil ដែលជាប្រភេទប្រេងលាបមានសមត្ថភាពលុបបំបាត់ស្នាមសង្វារដែលកើតមាន នៅមុននិងក្រោយពេលសម្រាល និងបំបាត់សម្លាកផ្សេងៗបានផងដែរ។ ក្រៅពីនេះ អ្នកក៏អាចប្រើ Bio Oil តាំងពីពេលមានផ្ទៃពោះមកម្ល៉េះ ដើម្បីបង្ការការកើតសង្វារបាន៕
ចុចអាន៖