តិចនិកនិងរូបមន្តធម្មជាតិ ៤យ៉ាងសម្រាប់មុខខ្លាញ់

2018-08-10 06:35:54
ចំនួនមតិ 0 | ចំនួនចែករំលែក 0

មុខរបស់យើងមានពីរប្រភេទគឺ មុខខ្លាញ់និងមុខស្ងួត។ មុខស្ងួតប្រហែលជាមិនសូវមានបញ្ហាច្រើនទេ ប៉ុន្តែចំពោះអ្នកដែលមានមុខខ្លាញ់អាចជាពិបាកបន្តិចហើយ។ ពេលខ្លះអ្នកផាត់មុខចូលគឺដោយសារមុខអ្នកខ្លាញ់ពេក។ មុខខ្លាញ់ត្រូវការយកចិត្តទុកដាក់ខ្លាំង ព្រោះវាអាចបង្កជាការកើតមុន និងបញ្ហាជាច្រើនទៀត៖

១. កំណត់ការលុបមុខ១ថ្ងៃ២ដង

មុខខ្លាញ់ធ្វើឱ្យអ្នកចេះតែចង់លុបមុខច្រើនដងក្នុងមួយថ្ងៃ។ តែអ្វីដែលសំខាន់នោះគឺអ្នកត្រូវតែកំណត់ការលុបមុខឱ្យបានត្រឹមត្រូវមិនមែនលុបតាមចិត្តនោះទេ។ ការដែលលុបមុខច្រើនមានតែធ្វើឱ្យបាត់បង់ខ្លាញ់ធម្មជាតិដែលជួយការពារនិងជំនួយដល់ស្បែកមុខតែប៉ុណ្ណោះ។ អ្នកគួរតែលុបមុខបន្ទាប់ពីប្រើ Cleansing Oil រួច។ ជៀសវាងផលិតផលដែលមានជាតិអាស៊ីដសាលីស៊ីលិច (Salicylic) ឬ Benzoyl Peroxide។

២. ប្រើម៉ាសបិទមុខ២ឬ៣ក្នុងមួយសប្តាហ៍

ស្បែកមុខខ្លាញ់ងាយនឹងរងប្រតិកម្មនិងកើតមុន។ ការប្រើម៉ាសបិទមុខអាចជួយកម្ចាត់បាក់តេរី ធូលីដីនិងបន្តឹងរន្ធញើស។ ទាំងនេះជារូបមន្តម៉ាសធម្មជាតិដែលជួយកម្ចាត់ខ្លាញ់បានយ៉ាងមានប្រសិទ្ធភាព៖

- ល្ហុង៖ ងាយៗគ្រាន់តែកិនវាឱ្យម៉ត់ ហើយយកមកបិទ។ ម៉ាសនេះជួយកាត់បន្ថយស្នាមអុចខ្មៅ មុខខ្លាញ់និងមុខប្រហោង។

- ស៊ុតសនិងក្រូចឆ្មារ៖ អ្វីដែលអ្នកត្រូវមាននោះគឺស៊ុតយកតែផ្នែកស១ ក្រូចឆ្មារ១ស្លាបព្រាកាហ្វេ អ្នកក៏អាចថែមស្រ្តប៊ែរីកិនបន្តិចដើម្បីមានជាតិវីតាមីនC។

៣. បន្ថែមទឹកឃ្មុំលើការថែរក្សាសម្រស់ប្រចាំថ្ងៃ

ទឹកឃ្មុំមានមុខងារច្រើនក្នុងការកម្ចាត់មុន បាក់តេរី ជាពិសេសកាត់បន្ថយមុខខ្លាញ់។ បន្ថែមវានៅពេលអ្នកបិទម៉ាសកាន់តែល្អ។

៤. ប្រើទឹកជូតមុខតែបៃតង

ក្រោយពីលុប Make-Up ហើយអ្នកត្រូវប្រើទឹកជូតមុខដើម្បីលុបសម្អាតធូលី ឬបាក់តេរីផ្សេងៗឱ្យបានស្អាតល្អ។ សម្រាប់អ្នកដែលមានមុខខ្លាញ់ត្រូវប្រើទឹកជូតមុខដែលមានសារធាតុផ្សំដូចជាតែបៃតង ឬអាចប្រើតែបៃតងតែម្តង។ ដំបូងអ្នកយកតែបៃតងមកឆុង ហើយចាក់ទឹកនោះចូលក្នុងដបបាញ់ហើយបាញ់មុខជូតតាមធម្មតា៕