វ័យ៣០ឆ្នាំស្បែកមុខមិនយារ ដោយប្រើឧបករណ៍ធម្មជាតិ

2018-08-09 01:57:18
ចំនួនមតិ 0 | ចំនួនចែករំលែក 0

ឧបករណ៍ធម្មជាតិដែលផលិតឡើងពីថ្មម៉ាប មានឈ្មោះថា Gua Sha បានពេញនិយមបំផុតនៅក្នុងប្រទេសចិន សម្រាប់យកមកប្រើម៉ាស្សាលើផ្ទៃមុខ ដើម្បីជួយសម្រួលដល់សរសៃឈាម បណ្តេញជាតិពុល និងទប់ស្កាត់ស្បែកមុខមិនឲ្យយារធ្លាក់ ដែលមានប្រសិទ្ធភាពមិនគួរឲ្យជឿ។

ឧបករណ៍ធម្មជាតិ Gua Sha មានរាងតូច ផ្ទៃរលោង និងមានគន្លាក់ទុកសម្រាប់យកមកអូសត្រង់បរិវេណថ្គាម។ បើនិយាយពីតម្លៃវិញ មានចាប់ពី ២៣ដុល្លាររហូតដល់៥៤ដុល្លារ អាស្រ័យទៅលើទំហំនិងម៉ូដ។

លើសពីនេះទៅទៀត ការអូសចុះឡើង ហាក់បីដូចជាអ្នកបានធ្វើលំហាត់ប្រាណដល់ស្បែកមុខ ដែលដើរតួនាទីយ៉ាងសំខាន់ ដើម្បីជួយឲ្យសាច់ដុំមុខបានធូរស្រាល ស្រស់ស្រាយនិងមានភាពវ័យក្មេងតឹងណែន ប្រសិនបើអ្នកធ្វើវាជាប្រចាំឲ្យបានត្រឹមត្រូវតាមក្បួនខ្នាត។

វាក៏ជាវិធីងាយៗផងដែរ ដោយគ្រាន់តែតម្រូវឲ្យអ្នកប្រើជាមួយប្រេងរាល់ពេលម៉ាស្សាម្តងៗ ប៉ុន្តែសម្រាប់អ្នកមានកន្ទួលរមាស់ របួសនៅលើស្បែក ឬស្បែកខូចពីកម្តៅថ្ងៃមិនអាចប្រើប្រាស់បានទេ។ ជាពិសេស ត្រូវលាងសម្អាតឲ្យបានញឹកញាប់ និងមិនអាចប្រើប្រាស់រួមគ្នាជាមួយអ្នកដទៃបានឡើយ ព្រោះវាអាចចម្លងមេរោគដល់ស្បែក។