អាហារពន្លូតឆ្អឹង ១០មុខ សម្រាប់អ្នកចង់លូតកម្ពស់ដោយមិនបាច់ប្រើថ្នាំ

2018-08-07 04:48:48
ចំនួនមតិ 0 | ចំនួនចែករំលែក 0

រាងកាយរបស់មនុស្សត្រូវការជីវជាតិជាច្រើន ជាពិសេសគឺជាតិកាល់ស្យូមដើម្បីជួយឲ្យសាច់ដុំនិងឆ្អឹងរឹងមាំ លូតលាស់បានល្អ។ អ្នកវិទ្យាសាស្រ្តបានធ្វើការសិក្សាស្រាវជ្រាវរកឃើញថា បន្លែនិងភេសជ្ជៈប៉ុន្មានមុខខាងក្រោមនេះ គឺមានជាតិកាល់ស្យូមច្រើន ហើយល្អបំផុតសម្រាប់ អ្នកដែលចង់លូតកម្ពស់ និងអ្នកដែលមានកូនតូចគួរបង្រៀនពួកគេឲ្យចេះញ៉ាំតាំងពីក្មេងទើបមានប្រសិទ្ធភាពខ្ពស់។

១. កូនស្ពៃ

បន្លែពណ៌បៃតងភាគច្រើន មានអត្ថប្រយោជន៍ខ្លាំងណាស់ចំពោះសុខភាព។ កូនស្ពៃមានជាតិកាល់ស្យូមខ្ពស់ ល្អសម្រាប់ឆ្អឹង ផ្តល់ថាមពល និងជួយដល់ប្រព័ន្ធរំលាយអាហារថែមទៀតផង។

២. ផ្កាខាត់ណាពណ៌ស

ផ្កាខាត់ណាពណ៌ស មានជាតិកាល់ស្យូមច្រើន និងវីតាមីនផ្សេងៗទៀតដូចជា A C K មានតួនាទីការពារឆ្អឹងពុក។

៣. សណ្តែកគ្រប់ប្រភេទ

ក្នុងបរិមាណសណ្តែកចំនួន១០០ក្រាម មានកាល់ស្យូមចំនួន៣៨ក្រាម និងវីតាមីនជាច្រើន B2 B6 C E PP។ សណ្តែកក៏មានធាតុផ្សំពីរសំខាន់ទៀតគឺ Phyto-estrogen និង Isoflavon ដែលជាជំនួយដ៏សំខាន់សម្រាប់បណ្តុះកោសិកាឆ្អឹង។

៤. ទឹកក្រូចច្របាច់

អ្នកបានដឹងហើយថាក្រូចសម្បួរទៅដោយវីតាមីនC និងមានគុណប្រយោជន៍ជាច្រើនទៀតសម្រាប់សុខភាព។ ចំណែកឯទឹករបស់វាវិញ ក៏មានកាល់ស្យូមច្រើនណាស់ដែរ។ ក្នុងទឹកក្រូចច្របាច់មួយកែវ មានកាល់ស្យូមដល់ទៅ ៣៥០មិល្លីក្រាម ដែលល្អបំផុតចំពោះស្រ្តីមានផ្ទៃពោះ និងអ្នកដែលចង់ស្រកជាតិខ្លាញ់នៅក្នុងរាងកាយ។

៥. ផ្សិត

ផ្សិតត្រូវបានគេឲ្យឈ្មោះថា ជាបន្លែដែលក្រៀមក្រោះជាងគេ ក្នុងចំណោមបន្លែដទៃទៀត បុន្តែវាមានប្រសិទ្ធភាពខ្ពស់ដើម្បីជួយពន្លឿនការលូតកម្ពស់ និងល្អសម្រាប់សុខភាព។

៦. សណ្តែកបារាំង

ក្នុងសណ្តែកបារាំង១០០ក្រាម មានកាល់ស្យូម ច្រើនជាងសណ្តែកបាយដល់ទៅ២ដង។ សម្រាប់អ្នកដែលមានបំណងចង់ឲ្យលូតកម្ពស់បានលឿន គួរតែញ៉ាំវាឲ្យបានរាល់ថ្ងៃ។

៧. ដើមគិនឆាយ

បន្លែមួយប្រភេទនេះ ជាប្រភពនៃវីតាមីនK និងកាល់ស្យូមដែលជួយឲ្យឆ្អឹងលូតលាស់បានល្អ។ លើសពីនេះទៅទៀត វាមានមុខងារយ៉ាងសំខាន់ដើម្បីការពារប្រឆាំងនឹងជំងឺផ្សេងៗផងដែរ។

៨. ដុំស៊ុបមាន់ឬទឹកស៊ុបមាន់

ដុំស៊ុបមាន់ឬទឹកស៊ុបមាន់ មានប្រូតេអ៊ីននិងកាល់ស្យូមច្រើន ធ្វើឲ្យសាច់ដុំរឹងមាំ ជួយក្នុងការសម្រកទម្ងន់ និងជួយសម្រួលដល់ពោះវៀន។

៩. ផ្កាខាត់ណាខៀវ

មិនត្រឹមតែជាតិកាល់ស្យូមប៉ុណ្ណោះទេ ប៉ុន្តែផ្កាខាត់ណាខៀវសម្បូរវីតាមីន A C ជាតដែក ប៉ូតាស្យូម អាស៊ីតហ្វូលិក បេតាការ៉ូទីន ល្អសម្រាប់សាច់ដុំ និងសរសៃប្រសាទ។

១០. សាលាដ

បន្លែដែលមានស្លឹកពណ៌បៃតង ផ្ទុកនូវជាតិកាល់ស្យូម និងជីជាតិសំខាន់ៗជាច្រើនរាប់មិនអស់ សម្រាប់ជួយផ្គត់ផ្គង់ដល់សារពាង្គកាយ។

ប្រសិនបើអ្នកមានបំណងចង់លូតកម្ពស់ ប្រកបដោយសុខភាពល្អពិតមែន ត្រូវព្យាយាមញ៉ាំអាហារដែលបានរៀបរាប់ខាងលើ ឲ្យបានច្រើនតាមដែលអាចធ្វើបាន ហើយកុំភ្លេចគួបផ្សំជាមួយការហាត់ប្រាណផង ៕

ចុចអានបន្ត៖