ដំណាក់កាលទាំងឡាយដែលមនុស្សគ្រប់រូបត្រូវឆ្លងកាត់ ក្រោយបែកបាក់ស្នេហា
- 2018-08-07 03:33:19
- ចំនួនមតិ 0 | ចំនួនចែករំលែក 0
ដំណាក់កាលទាំងឡាយដែលមនុស្សគ្រប់រូបត្រូវឆ្លងកាត់ ក្រោយបែកបាក់ស្នេហា
មនុស្សគ្រប់គ្នាតែងប្រាថ្នាចង់បានស្នេហាដែលគង់វង្ស មិនព្រាត់ប្រាស់។ យ៉ាងណាក្ដី យើងមិនអាចកំណត់បានទេចំពោះរឿងមនោសញ្ចេតនា។ ទោះយើងមិនចង់បែក ក៏ប្រាកដថាគេចង់នៅជាមួយយើងរហូត។ អាស្រ័យហេតុនេះ ការសម្រេចចិត្តបែកគ្នា គឺជាការសម្រេចចិត្តដែលឈឺចាប់បំផុត តែត្រូវបង្ខំចិត្តត្រូវតែធ្វើ។ ជាមួយគ្នានេះដែរ ក្រោយបែកគ្នា មានអារម្មណ៍មួយចំនួនដែលអ្នកត្រូវតែឆ្លងកាត់ជាដាច់ខាត ទោះចង់ឬមិនចង់ក៏ដោយ។
១. បដិសេធ
ក្រោយបែកគ្នា នេះគឺជាកំឡុងពេល ដែលយើងពិបាកប្រឈមមុខជាទីបំផុត ដោយយើងខ្លាចបាត់បង់រូបគេ។ អ្នកអាចនៅបន្តរកគេ ដើម្បីសួរនាំថាគេនៅសេសសល់មនោសញ្ចេតនាបន្តិចណាឬអត់។ យ៉ាងណាក៏ដោយ ប្រសិនបើអ្នកកាន់តែបន្តធ្វើដូចនេះ អ្នកដែលឈឺជាងគេ មានតែអ្នកប៉ុណ្ណោះ។
២. ខឹង
ចែកផ្លូវគ្នាដើរហើយ នៅពេលដែលយើងប្រឹងអស់ពីសមត្ថភាពដើម្បីឲ្យគេវិលវិញ តែគេមិនព្រម ពេលនោះយើងនឹងប្រែទៅជាខឹងគេវិញ។ មកដល់ពេលនេះ អ្នកអាចប្រើពាក្យសម្ដីធ្ងន់ៗដាក់គេ។ វិធីដែលអាចឆ្លងកាត់ដំណាក់កាលនេះបានគឺ កាត់បន្ថយការទាក់ទងនឹងគេកាន់តែតិចកាន់តែល្អ។
៣. ធុញថប់ និងអស់សង្ឃឹម
នៅកាលៈទេសៈនេះ អ្នកមានអារម្មណ៍ថារសាត់អណ្ដែតបំផុត។ គ្មានអារម្មណ៍ធ្វើអ្វីផ្សេងទៀត។ មានអារម្មណ៍ថាដូចបាត់បង់អ្វីម្យ៉ាងដែលសំខាន់ខ្លាំងចំពោះយើង។ នេះក៏ជាដំណាក់កាលដែលពិបាកឆ្លងកាត់បំផុតដែរ។
៤. ទទួលស្គាល់
នៅចុងបញ្ចប់ អ្នកគ្មានអ្វីធ្វើក្រៅពីទទួលការពិតនោះឡើយថាយើងបានបាត់បង់គេហើយ។ អ្នកចាប់ផ្ដើមគិតពីជិវិត និងសម្របសម្រួលអ្វីគ្រប់យ៉ាងឡើងវិញ។ យើងចាប់ផ្ដើម ទំនាក់ទំនងថ្មី មិនមែនដោយសារយើងភ្លេច តែយើងស៊ាំនឹងការគ្មានរូបគេហើយ។ ហើយគំនិតក៏វិជ្ជមានជាងមុន៕
ចុចអាន៖
៥ចំណុចនេះ មនុស្សស្រីអាចមានឥទ្ធិពលទៅលើមនុស្សប្រុសច្រើនជាងសម្រស់ទៅទៀត
មនុស្សស្រីគ្មានសង្សារព្រោះធ្លាប់បែកបាក់ស្នេហាពីមុន គឺជានារីដ៏ទាក់ទាញបំផុត