មានលុយតែម្យ៉ាង មិនបានធ្វើឲ្យជីវិតអ្នកថ្លៃថ្នូរទេ បើគ្មានចំណុចទាំងនេះ

2018-07-25 01:11:00
ចំនួនមតិ 0 | ចំនួនចែករំលែក 0

មានលុយតែម្យ៉ាង មិនបានធ្វើឲ្យខ្លួនយើងមើលទៅល្អនោះឡើយ ប៉ុន្តែការមានចរិតមារយាទល្អ នឹងធ្វើឲ្យយើងមានតម្លៃថ្លៃថ្នូរជាងការមានលុយទៅទៀត។

មនុស្សទោះមាន ឬក្រសុទ្ធតែមានចិត្តមានបេះដូង។ គ្រាន់តែយើងមានអ្វីៗមិនស្មើគ្នា វាមិនបានមានន័យថា តម្លៃជាមនុស្សរបស់យើងមិនស្មើគ្នានោះទេ។

ចូរធ្វើជាមនុស្សដែលឲ្យតម្លៃមនុស្សតាមរយៈទង្វើ ព្រោះមនុស្សទោះក្រ ឬមាន គឺសុទ្ធតែជាមនុស្សដូចគ្នា។ កុំប្រៀបធៀប កុំវាយតម្លៃថាគេខ្ពស់ ឬទាបដោយទ្រព្យសម្បត្តិ ប៉ុន្តែគួរវាយតម្លៃតាមរយៈទង្វើ ព្រោះមនុស្សមានតម្លៃទាប ឬខ្ពស់ គឺអាស្រ័យលើចិត្តគំនិត។

មនុស្សម្នាក់ គួរឲ្យគោរព មិនអាស្រ័យលើ អាយុ ឬ តំណែង នោះទេ ប៉ុន្តែវាអាស្រ័យលើ ការគិត ពាក្យសម្ដី និង ទង្វើ របស់បុគ្គលនោះ។

មេរៀនជីវិតមួយពីការជួបជុំរបស់មិត្តសម្លាញ់ ៣នាក់៖

អ្នកទី១ ជិះឡាន Mercedes តម្លៃ ១សែនដុល្លារ ជាប់បំណុលធនាគារ ៣សែនដុល្លារ ជីវិតរបស់គាត់ស្ថិតក្នុងស្ថានភាពស្ទើរស្លាប់ស្ទើររស់។

អ្នកទី ២ ជិះឡាន Toyota តម្លៃ ២ម៉ឺនដុល្លារ គេជំពាក់លុយធនាគារ ៦ម៉ឺនដុល្លារ ជីវិតរបស់គេមានរឿងដែលត្រូវគិតជាប់ជានិច្ច។

អ្នកទី៣ ជិះម៉ូតូតម្លៃ ១៥០០ដុល្លារ គេមានលុយក្នុងធនាគារ ២ម៉ឺនដុល្លារ ជីវិតគេថ្វីបើដំណើរទៅរលូន ប៉ុន្តែក៏មានអារម្មណ៍ថាហេលហាលគ្មានន័យ។