តិចនិករៀបចំខ្លួនទៅសម្ភាសន៍ការងារ ឲ្យមើលទៅ Professional ទាក់ចិត្ត HR តាំងពីជួបដំបូង (វីដេអូ)

2018-07-24 03:27:34
ចំនួនមតិ 0 | ចំនួនចែករំលែក 0

ធម្មតាការសម្ភាសន៍ការងារ ដូចជាការប្រលងមួយដូច្នេះដែរ គឺថាអ្នកអាចជាប់ ឬធ្លាក់អាស្រ័យលើជំនាញ បទពិសោធន៍ និងសំខាន់បំផុតនោះគឺ ចំណាប់អារម្មណ៍ពេលជួបដំបូង(First Impression)។

ជាទូរទៅមុននឹងសាកសួររកបទពិសោធន៍និងជំនាញ ចំណាប់អារម្មណ៍ដំបូងដែលនិយោជកវាយតម្លៃមកយើងគឺការចេះរៀបចំខ្លួនឲ្យមើលទៅ ឆ្លាត មានភាពជឿជាក់ និងមានសមត្ថភាពនេះឯង។

ដើម្បីយកឈ្នះលើចំណាប់អារម្មណ៍ដំបូងនេះ កញ្ញា សូមណែនាំពីតិចនិកក្នុងការផាត់មុខនិងស្លៀកពាក់ដើម្បីសម្ភាសន៍បានជោគជ័យ៖

១. ការផាត់មុខ

ការផាត់មុខទៅសម្ភាសន៍ការងារគឺចាំបាច់ ព្រោះវាអាចបញ្ជាក់ថាអ្នកយកចិត្តទុកដាក់លើខ្លួនឯងដោយមិនឲ្យមានកំហុសឆ្គងឡើយ។ ម៉្យាងទៀតវាអាចឆ្លុះបញ្ចាំងថាអ្នកជាមនុស្សឧស្សាហ៍ផងដែរ។ ផាត់មុខទៅសម្ភាសន៍ការងារគួរតែធ្វើបានលឿនតែការពារស្បែកមុខបានល្អ។ ដូចជាប្រើម្សៅ Cushion ម៉្សៅផាត់ប្រភេទទឹក ដែលមានធាតុផ្សំសំខាន់ៗចូលគ្នាស្រាប់ដូចជា សេរ៉ូម ឡេការពារកម្ដៅថ្ងៃ និងម្សៅផាត់។ ដូច្នេះវាចំណេញពេលច្រើនក្នុងការប្រើប្រាស់។

២. ការស្លៀកពាក់

ការស្លៀកពាក់ត្រូវឲ្យមើលទៅដូច អ្នកជំនាញ (Professional) ដូចជា តឺនុយអាវក្នុង ក្នុងសំពត់ឬខោ ចាំបាច់ត្រូវតែមានអាវធំពីខាងក្រៅ។ ចំណែកស្បែកជើងវិញគឺកែងប្រវែងមួយតឹក បិតជិតមុខអស់។ អ្នកគួរជ្រើសរើសពណ៌ខ្មៅព្រោះវាជាពណ៌ Professional និងម៉្យាងទៀតអាចលាក់រាងឲ្យមើលទៅឃើញតូចផងដែរ។ នេះសម្រាប់ការសម្ភាសន៍ការងារលក្ខណៈផ្លូវការទូទៅ ប៉ុន្តែបើសិនអ្នកត្រូវទៅសម្ភាសន៍ការងារបែបយុវវ័យ ឬ Creative ផ្សេងៗ អ្នកអាចបត់បែនការស្លៀកពាក់របស់ខ្លួនទៅតាមតួនាទី ឬបរិយាកាសក្រុមហ៊ុនក៏ជាការល្អដែរ ៕