សូមសរសើរ! សាលាអន្តរជាតិមួយនៅខ្មែរ ទិញសុទ្ធតែបន្លែធម្មជាតិ ធ្វើម្ហូបឲ្យក្មេងញ៉ាំ
- 2018-07-24 09:27:22
- ចំនួនមតិ 0 | ចំនួនចែករំលែក 0
សូមសរសើរ! សាលាអន្តរជាតិមួយនៅខ្មែរ ទិញសុទ្ធតែបន្លែធម្មជាតិ ធ្វើម្ហូបឲ្យក្មេងញ៉ាំ
ខួរក្បាលក្មេងលូតលាស់ឆាប់រហ័សខ្លាំងក្នុងដំណាក់កាលប៉ុន្មានឆ្នាំដំបូងបន្ទាប់ពីចាប់កំណើត។ ត្រឹមអាយុ ៣ ឆ្នាំ ខួរក្បាលលូតលាស់ស្ទើរតែមានទំហំ ៩០% នៃទំហំខួរក្បាលរបស់មនុស្សពេញវ័យទៅហើយ។ ការអភិវឌ្ឍ និងលូតលាស់ខួរក្បាលក្មេង អាស្រ័យចម្បងបំផុតលើចំណីអាហារ ហើយជាមូលដ្ឋានគ្រឹះសម្រាប់ការសិក្សារៀនសូត្រ និងអាកប្បកិរិយារបស់គេ។
របបអាហារមានសុខភាពល្អ និងតុល្យភាព អាចជួយឲ្យក្មេងរីកលូតលាស់ពេញលេញលើសមត្ថភាពចងចាំ ការស្យង់ (ផ្ដោតអារម្មណ៍) និងសមត្ថភាពផ្លូវចិត្ត។ ចៀសវាងការផ្ដល់ក្មេងៗនូវអាហារដែលជាប្រភេទអាហារកំប៉ុងចេញពីរោងចក្រ (Processed Food) និងផ្ដល់នូវអាហារដែលមានសុវត្ថិភាព អនាម័យ ជារឿងល្អបំផុតសម្រាប់ការលូតលាស់របស់ក្មេងទាំងផ្នែកបញ្ញាស្មារតី ទាំងរាងកាយ។ នេះជាការលើកឡើងរបស់អ្នកស្រី Ali Copple នាយិកាសាលា Forest Hill International School ពេលផ្ដល់បទសម្ភាសដល់ Sabay។
នាយិកាជនជាតិអាមេរិកផ្នែកអប់រំ និងការអភិវឌ្ឍក្មេងរូបនេះ ទទួលស្គាល់ថា សុវត្ថិភាពបន្លែផ្លែឈើសម្រាប់ចម្អិនអាហារ នៅមានកម្រិត។ ដើម្បីសុវត្ថិភាពដល់ការលូតលាស់របស់ក្មេងៗ សាលាសុខចិត្តចំណាយទ្វេដងក្នុងការទិញបន្លែសុវត្ថិភាពដែលគ្មានថ្នាំពុលសត្វល្អិត ឬថ្នាំគីមី មកធ្វើម្ហូបឲ្យក្មេងៗនៅសាលារៀនរបស់អ្នកស្រី។
"យើងព្យាយាមប្រើបន្លែផ្លែឈើស្អាត គ្មានជាតិពុល។ យើងមានអ្នកផ្គត់ផ្គង់បន្លែសុវត្ថិភាពដល់យើងដែលពួកគេធានានូវបន្លែគ្មានជាតិពុល"។ អ្នកស្រីបញ្ជាក់។
ដោយសារអ្នកស្រីជាអ្នកជំនាញផ្នែកការលូតលាស់របស់ក្មេងដែរនោះ អ្នកស្រីផ្ទាល់បានកំណត់មុខម្ហូបអាហារប្រចាំថ្ងៃសម្រាប់ក្មេងៗខុសៗគ្នាទៅតាមថ្ងៃ ដើម្បីធានានូវសារធាតុចិញ្ចឹមគ្រប់គ្រាន់ដល់តម្រូវការលូតលាស់ដល់ក្មេងនៅសាលារបស់អ្នកស្រី។
ក្រៅពីការយកចិត្តទុកដាក់លើសុវត្ថិភាពចំណីអាហារ សាលាអន្តរជាតិមួយនេះ ក៏បានតាមដានសុខភាពរបស់ក្មេងយ៉ាងជិតស្និទ្ធផងដែរ ដោយក្មេងៗត្រូវតម្រូវឲ្យឆែកសុខភាពរាល់ថ្ងៃមុនចូលរៀន។ បើមានករណីមិនស្រួល (ក្ដៅខ្លួន ផ្ដាសាយ) សាលានឹងជូនដំណឹងឪពុកម្ដាយភ្លាមដើម្បីយកកូនទៅព្យាបាល ចៀសវាងទុកស្ថានឲ្យកាន់តែធ្ងន់ធ្ងរ ឬឆ្លងទៅក្មេងដទៃក្នុងសាលា។ សាលាអន្តរជាតិ Forest Hill International School ស្ថិតក្នុងជម្រើសរបស់ឪពុកម្ដាយសម័យថ្មីនៅកម្ពុជា ព្រោះសាលានេះ ផ្ដល់ស្តង់ដារអប់រំបែបអាមេរិកពិតប្រាកដ ដោយមានគ្រូបរទេសមានសមត្ថភាព និងឆ្លងកាត់ការបណ្ដុះបណ្ដាលត្រឹមត្រូវ ។
Forest Hill International School មានលក្ខណៈពិសេសសំខាន់ៗជួយដល់ការលូតលាស់ក្មេង៖