ចង់ធ្វើជាមិត្តស្រីល្អបំផុតសម្រាប់គាត់ កុំមើលរំលងចំណុច ៧នេះ
- 2018-07-20 04:17:48
- ចំនួនមតិ 0 | ចំនួនចែករំលែក 0
ចង់ធ្វើជាមិត្តស្រីល្អបំផុតសម្រាប់គាត់ កុំមើលរំលងចំណុច ៧នេះ
អ្នកណាៗក៏ចង់ធ្វើជាមិត្តស្រីដ៏ល្អម្នាក់ដែរ តែពេលខ្លះកាលៈទេសៈធ្វើឱ្យអ្នកពិបាក។ គ្មានមនុស្សល្អគ្រប់១០ទេតែបើអាចធ្វើជាមិត្តស្រីល្អបានអ្នកគួរតែធ្វើ។ បើចង់ធ្វើជាមិត្តស្រីដែលគ្រប់គ្នាសរសើរអ្នកគួរតែបំពេញឱ្យបានចំណុចទាំង៧នេះ៖
១. ធ្វើជាមិត្តដ៏ល្អបំផុតរបស់គាត់
ចំណុចសំខាន់បំផុតនោះគឺអ្នកត្រូវធ្វើជាមិត្តដ៏ល្អបំផុតរបស់គាត់។ នោះគាត់នឹងចែករំលែកគ្រប់រឿងជាមួយអ្នក ពិភាក្សាជាមួយអ្នកគ្រប់ពេលហើយត្រូវការអ្នកបំផុត។
២. បើកចិត្តឱ្យទូលាយ និងស្មោះត្រង់បំផុតតាមដែលអាចធ្វើទៅបាន
អ្នកត្រូវបង្ហាញគាត់ថាអ្វីដែលអ្នកនិយាយសុទ្ធពិត ប្រាប់អ្វីដែលគាត់ចង់ដឹងដោយគ្មានអាថ៌កំបាំង។ កុំរំពឹងឱ្យគេស្មោះត្រង់នឹងអ្នក បើអ្នកមិនស្មោះត្រង់នឹងគេទេនោះ។ ស្នេហាដែលមានន័យបំផុតគឺជាស្នេហាដែលមានការទុកចិត្តគ្នា។
៣. ផ្តល់សេរីភាពនិងពេលវេលាផ្ទាល់ខ្លួនឱ្យគាត់
ទុកពេលវេលាឱ្យគាត់ធ្វើអ្វីដែលគាត់ចង់ធ្វើ នោះស្នេហាអ្នកនឹងមិនមានភាពតានតឹងឬមានសំពាធទេ។ ត្រូវដឹងពីព្រំដែនដែលអ្នកមាន កុំធ្វើអ្វីដែលហួសហេតុពេក។
៤. យកចិត្តគេដាក់ចិត្តខ្លួនឯង
ពេលខ្លះការសេរីភាពនៅមិនទាន់គ្រប់គ្រាន់នៅឡើយទេ។ អ្វីដែលសំខាន់នោះគឺត្រូវចេះយកចិត្តគេដាក់ចិត្តគេនៅក្នុងកាលៈទេសៈណាមួយ។ ពេលនោះទើបអ្នកដឹងពីអ្វីដែលគាត់ជួបប្រទះនិងអារម្មណ៍គាត់។
៥. ស្រលាញ់រាប់អានមិត្តភក្តិនិងគ្រួសារគាត់
បង្ហាញគាត់ថាមនុស្សសំខាន់របស់គាត់ក៏ជាមនុស្សសំខាន់របស់អ្នកដែរ។ ហើយនេះក៏ជាចំណុចសំខាន់ដែលអ្នកត្រូវធ្វើដែរព្រោះគេនឹងមិនស្រលាញ់អ្នកខ្លាំងទេបើអ្នកមិនពេញចិត្តនឹងមិត្តភក្តិគេ។
៦. ធ្វើឱ្យគាត់មានអារម្មណ៍ថាអ្នកទុកចិត្តគាត់
ទំនុកចិត្តត្រូវមានទាំងសងខាង អ្នកមិនត្រឹមតែធ្វើឱ្យគាត់ទុកចិត្តនោះទេ គួរតែទុកចិត្តគាត់ដូចគ្នា។ បើអ្នកមិនសូវទុកចិត្តគាត់ទេក៏មិនត្រូវបញ្ចេញឱ្យកាត់ដឹងដែរ យកល្អធ្វើឱ្យគាត់មានអារម្មណ៍ថាអ្នកទុកចិត្តគាត់។
៧. យកចិត្តទុកដាក់
គាត់និយាយអ្នកស្តាប់ដោយការយកចិត្តទុកដាក់ បារម្ភពីគាត់គ្រប់ពេល និងឱ្យរម្លៃគាត់ជាងអ្នកណាទាំងអស់។ ធ្វើឱ្យគាត់មានអារម្មណ៍ថារាល់ពាក្យសំដីដែលគាត់និយាយគឺមានន័យសម្រាប់អ្នកបំផុត៕